Presidenti Meta kërkesë për takim Ramës, Kryeministri: Jam i zënë!
Presidenti i Republikës, Ilir Meta i ka dërguar një letër kryeministrit Edi Rama, duke kërkuar një takim gjatë ditës së enjte.
Letra është publikuar nga vetë kryeministri Edi Rama në Twitter ku edhe i kthen përgjigje.
Në letër, Presidenti thotë se është i gatshëm për takim me kryeministrit nga ora 05:00 e mëngjesit deri në orën 13:00, në zyrën e tij në Presidencë.
Por Edi Rama e refuzoi takimin me arsyetimin se është i zënë: Kemi zgjedhje, jam i zënë!
“Për shkak të fushatës elektorale që po zhvillohet sipas dekretit presidencial, ku 30 qershori është përcaktuar datë zgjedhjesh, kabineti im ka komunikuar telefonikisht pamundësinë për këtë takim. Po meqë Ilir Meta vazhdon të luajë letrash, ja dhe me shkrim: Kemi zgjedhje, jam i zënë!”, përgjigjet Edi Rama përmes rrjetit social Twitter.
