“Nuk e kanë lidhë”/ I zënë, Rama: Sa për datë të re…
Edi Rama tha se ishte i zënë dhe refuzoi takimin me Presidentin për të diskutuar mbi krizën aktuale që po kalon vendi, por meqë nuk e kanë lidhur ende, ka mundësi të vazhdoj me broçkullat e tij.
Sot arenën për ta luajtur rolin e Kryeministrit e kishte përzgjedhur në Njësinë Nr. 4 në Tiranë ku së bashku me Kryetarin e Bashkisë, Erion Veliaj, kafen e mëngjesit me banorët e shoqëruan me sharje kundër Kryetarit të Partisë Demokratike, Lulzim Basha, dhe Presidentit Ilir Meta.
Ja për çfarë ishte i zënë Edi Rama. Një qytetar i porositur nga Gebelsi i Ramës e pyeti për njërën nga hamendësimet me përgjigje që transmetohen gjatë gjithë javës në mediat e kontrolluara nga Fuga, se çdo ndodhte nëse Presidenti dekreton një datë tjetër zgjedhjesh:
“Presidenti ka marrë drejtimin e opozitës, dështon Luli ndërhyn Iliri. Është fatkeqësi e madhe për institucionin por s’kemi ç’bëjmë. E thashë unë erdhi dita që edhe Nishani të duket si Xhefersoni. Habi e madhe. Kur bëmë marrëveshjen, atëherë që ishte e deklaruar nga të dyja palët ata të Presidencës merrnin në telefon, na dërgoni letrat me firmë të përbashkët që jeni dakord për shtyrjen e zgjedhjeve, e kërkonte me shkrim. Po ky tani? Ky i hodhi benzinë zjarrit me atë marrëzinë e çfirmosjes së firmës së vetë. Ju dha motiv këtyre të mbrohen duke thënë do respektojmë dekretin. Ajo histori e ka marrë përgjigjen edhe nga Kolegji Zgjedhor. Askush se ve në diskutim vendimin e Kolegjit se ai vulos zgjedhjet. Sa për datë të re, ai mund të bëjë ç’të dojë, po do jetë nul. Kot e ka, këtu ka institucione. Presidenti s’ka asnjë të drejtë në asnjë rresht të Kushtetutës por kur Kushtetutën e lexon në filxhan…,” tha Edi Rama dhe ndonëse ishin broçkulla elitare ai dha përgjigje në pyetjet se pse është çmendur Denar Biba dhe pesë gjyqtarët e Kolegjit Zgjedhor?! Pra, kanë zbatuar urdhërin e Kryeministrit!
Ndërsa Gebelsi i Ramës edhe me këtë rast u kujdes për pyetjen më idiote që vetëm mediat në shërbim të tij mund ta bëjnë ndonëse Kushtetuta nuk e parashikon, dhe ky fakiri i detyruar me këtë kafe të mëngjesit, se a kishte mundësi që Presidenti të shpërndante Parlamentin.
Meqë nuk e kanë lidhë, Edi Ramës i lejohet të japo edhe këtë lloj përgjigje:
“Ai mund t’i shpallë luftë edhe Amerikës…”
Ndryshe, Presidenti i Republikës ka deklaruar se e pret në takim Kryeministrin Edi Rama deri në orën 13:00 duke pasur parasysh se ai është i zënë.
