Video/ Dibër, policë as me Ligj dhe as Kanun, rrahin gra e fëmijë…
Ligji do të veprojë pa asnjë mëdyshje ndaj çdo forme të krimit. Ky ishte premtimi që dha mbrëmë Ministri i Brendshëm, Ish-Gjeneral Sandër Lleshaj pasi u plagosën 7 policë në Dibër por dëshmitë e banorëve që përjetuan gjatë gjithë natës terrorin tregon se krimi vjen nga policia dhe Ligji nuk vepron!
Rrëfimi i banorit nga Dibra, Korab Shehi, për dhunën e ushtruar nga policia gjatë natës, dhe gjendja në të cilën ndodhet njëra nga gratë e shtëpisë, e dëshmuar kjo edhe me pamje filmike shoqëruar me heshtjen e Ish-Gjeneral Sandër Lleshajt i cili reagon pas çdo frymëmarrje të liderit të opozitës, tashmë mund ta idenitikoj kriminelin.
Ja se çfarë thotë zoti Shehi:
“Ishte ora 03:00 e mëngjesit. Unë rri në kat të parë dhe në kat të dytë dhe të tretë I kishin thyer dyert të gjitha. Kur dola unë ata po zbritnin poshtë. Ishin me maksa, kallashnikov dhe gjithçka. Në atë kohë u thashë: Çfarë është? Jo skemi punë, më tha kush je. I thashë emrin, pastaj ata shkuan te nusja e kushëririt. Ngaqë e dija që ishte me 3 fëmijë të vegjël shkova atje.”
Dhe, kur në 03:00 policia “arreston” protestues ndodhë edhe kjo:
“Kur shkova atje, ata aty më shtynë, nuk më lanë dhe më përplasën për mur. Nuk më lanë që të shkoj aty. E dija që kishte për ti rënë të fikët nuses së kushëririt. Asaj i ra të fikët në rrugë, ndërsa djali i kushëririt shkoi të marrë makinën, policët i thanë; lere të vdesë në rrugë, sepse i ra të fikët në rrugë. Policët na kanë godit mua dhe djalin e kushëririt, na kanë rrahur. I kanë future dhe në furgon dhe i kanë rrahur me shkop gome, plus që e kanë godit dhe në fytyra,” thotë Korab Shehi duke folur për një policia e cila ndonëse drejtohet nga një Ish-Gjeneral, policia nuk vepron duke respektuar Ligjin. Madje bazuar në zonën ku ndodhi, policët e përdorur nga Ish-Gjenerali nuk respektuan as Kanunin duke përdor edhe ndaj grave dhe fëmijëve. Apo kjo është “Policia që do Edi Rama” dhe dibranët ishin të painformuar…
