Pas grabitjes historike/ Lulzim Basha: Edi Rama hajdut psiqik!

Pas miratimit të koncesioneve kriminale nga Parlamenti i Shqipërisë, reagon Kryetari i Partisë Demokratike, Lulzim Basha, duke e vlerësuar Kryeministrin Edi Rama, si një hajdut psiqik i cili u dha miqve nip e dajë mbi 500 milionë në vit me 2 koncesione:

“Siç është bërë publike, qeverisja kriminale e Edi Ramës po vazhdon grabitjen dhe tjetërsimin e ekonomisë dhe pasurive publike të vendit ne anë të koncesioneve kriminale, që kanë për qëllim grabitjen e Shqipërisë për llogari të tij dhe një grushti klientësh,” tha Lulzim Basha duke konstatuar se gjithçka tjetër ka ndaluar.

“Gjithçka tjetër ka marrë fund në këtë qeverisje. Vetëm një gjë forcohet dhe rritet përditë – vjedhja dhe grabitja e pasurive he parave publike. Edi Rama është hajduti më i madh që ka njohur historia e Shqipërisë, një grabitës psiqik, që vjedh çdo gjë që i del përpara.”

Dje, në Landfillin e Republikës, pra në vendgrumbullimin e plehrave dhe hajdutëve që strehohen në Parlamentin e Shqipërisë, tha lideri i opozitës, u miratua grabitja me spektakolare në histori:

1. Koncesioni i rrugës Milot-Balldren Ndue dhe Agim Kola me vlerë 256 milionë euro për 17 km. Vlera e koncesionit është 3 fishuar. Ish deputeti i PS dhe daja i tij, Gjoka, kanë marrë, së bashku, mbi 500 milionë Euro, nip e dajë;

2. Koncesioni i rrugës Orikum-Dukat, Lorenc Gjikuria me vlerë 70 milionë euro. Vetëm ditët e fundit janë dhënë;

3. Koncesioni i inspektimit të pompave të naftës;

4. Plazhet publike në pronësi private Të gjitha janë koncesione dhe kontrata korruptive në përfitim direkt personal të Edi Ramës dhe klientëve të tij, pa asnjë përfitim publik.

Ai tha se janë tri forma të grabitjes së parave dhe pasurive publike përmes koncesioneve dhe kontratave korruptive. Të gjitha janë koncesione dhe kontrata korruptive në përfitim direkt personal të Edi Ramës dhe klientëve të tij, pa asnjë përfitim publik. Dhe, formulat e grabitjes janë të thjeshta:

“Në rastin e koncesionit të rrugëve: Fryrje me disa herë e kostove të ndërtimit dhe mirëmbajtjes së rrugëve për të ndarë të gjitha fondet e fryra me Edi Ramën dhe qeveritarët.”

Në rastin e koncesionit të pompave, sikurse në koncesionet e plehrave, në koncesionet e shëndetësisë dhe të të gjitha llojeve të tjera formula është:

“Jep kontrata dhjetravjeçare për shërbime pa asnjë kosto dhe rrezik për privatin me çmime të fryra të financuara tërësisht pa asnjë rezik nga buxheti i shtetit, për të ndarë pastaj paratë me Edi Ramën dhe qeveritarët.”

Forma tjetër e grabitjes, tha Kryetari i Partisë Demokratike është:

“Dhënia e pasurive natyrore në përdorim apo për koncesione mbi burimet natyrore. Bregdeti, pyjet, lumenjtë, mineralet po u jepen privatëve gjoja për investime serioze dhe strategjike, Koncesione hodrocentralesh, privatizim bregdeti, ndërtime në zonat e mbrojtura, të gjitha janë shfrytëzim pa asnjë përfitim apo leverdi ekonomike i pasurive të vendit nga një grusht oligarkësh.”

E gjithë qeverisja e Edi Ramës, tha Kryetari i Partisë Demokratike, tashmë është një aktivitet i përditshëm dhe i vazhdueshëm kriminal, ndërsa përfundoi:

“Çdo akt, çdo veprim, çdo firmë e Edi Ramës dhe minsitrave bëhet vetëm për të vjedhur, vetëm për të grabitur, vetëm për të përfituar padrejtësisht.”

Platforma për kthimin e parave të vjedhura tek shqiptarët

Por jo gjithçka është e pashpresë për shqiptarët. Kryetari i Partisë Demokratike, Lulzim Basha, duke u zotuar se askush nuk ka për të shpëtuar, shpalosi dhe “Platformën për kthimin e parave të vjedhura tek shqiptarët” e cila do të filloj të zbatohet në ditën e parë të qeverisjes së PD:

“Ngritja e krimit ndërkombëtar shqiptar nga trafiku i drogës tek pastrimi i parave, trafiku i qenieve njerëzore dhe aktivitetet e tjera kriminale janë të lidhura me politikat kriminale ekonomike të Edi Ramës. Krimi është fuqizuar dhe po kap ekonominë dhe politikën. Dhe ky do të jetë destabizilimi total i vendit.”

Për Partinë Demokratike dhe për opozitën, tha Lulzim Basha, zhdukja e ndikimit dhe pasojave të politikës kriminale të grabitjes së vendit dhe tjetërsimit të ekonomsië publike në duart e një grushti kriminelësh dhe oligarkësh është emergjencë dhe prioritet kombëtar.

“Për qeverisjen e PD-së dhe të opozitës. Që ditën e parë të qeverisjes, para çdo gjëje dhe mbi çdo gjë tjetër, ne do të ndërmarim një operacion të gjerë, të paparë ndonjëherë, me shtrirje nga Shqipëria në vendet e tjera për hetimin, zbulimin dhe ndëshkimin e të gjithë vjedhjeve dhe grabitjeve që i janë bërë Shqipërisë.”

Ky operacion, sipas liderit të opozitës do të përfshijë:

-Krijimin e një kuadri ligjor radikal kundër krimit dhe korrupsionit qeveritar.

-Hetimin dhe ndëshkimin e gjithë veprimtarisë kriminale të qeverisë në fushën e prokurimeve dhe licensimeve publike.

Prioriteti i Partisë Demokratike, tha Basha, do të jetë:

-Hetimi i korrupsionit të niveleve të larta.

-Hetimi i mashtrimeve me kontratat dhe fondet publike.

-Rikuperimi i pasurive të vjedhura përmes kontratave dhe koncesioneve publike.

Çdo kontratë konesionare, çdo kontratë shtetërore , tha Kryetari i Partisë Demokratike, do të konsiderohet si vepër e mundshme kriminale dhe do të hetohet pa asnjë përjashtim. Çdo ent dhe kompani private, çdo person privat dhe publik, i përfshirë në hartimin dhe miratimin e këtyre kontratave, nga juristët e thjeshtë deri tek kryeminsitri, do t’i hetohet pasuria dhe të ardhurat, pa asnjë përjashtim në Shqipëri dhe kudo që t’i ketë.

Hetimi do të përqendrohet te paraja.

-Do të ndjekë, gjurmojë dhe zbulojë origjinën e parave të përdorura.

-Do të zbulojë destinacionin e parave të marra nga buxheti.

Ne do të hetojmë paratë dhe pasurinë e të gjithë atyre që janë përfshirë në një mënyrë apo tjetër në këto koncesione kriminale.

“Hetimi do të përfshijë pasurinë e të gjithë ish-zyrtarëve dhe zyrtarëve të tanishëm. Ata ish-ministra, ish-sekretarë të përgjithshëm, ish-drejtorë etj, që janë larguar, mbasi mbushën xhepat, dhe që sot po investojnë në biznese, në vila, në luks, në restorante, nuk kanë për të shpëtuar,” tha Kryetari i Partisë Demokratike, Lulzim Basha, duk e bërë të ditur se zbulimi dhe rikuperimi i aseteve të vjedhura do të jetë prioritet absolut:

“Paratë që u janë vjedhur shqiptarëve dhe kanë përfunduar në llogari bankare në Qipro, në Singapor apo në Ishujt Kajman dhe kudo, paratë që kanë përfunduar në vila në Romë dhe në Nju Jork, do të zbulohen dhe do t’u kthehen shqiptarëve.”