Unaza e Re/ Protesta, forca të shumta policie tensionojnë situatën

Banorët e Unazës së Re të prekur nga projekti “Unaza e Madhe” kane vijuar me protestën e radhes per mbrojtjen e banesave të tyre por këtë pasdite situata është e tensionuar pas prezencës së shtuar të forcave të policisë, çka ka bërë që banorët të dalin të përgatitur në rrugë.

Prezent sot në protestë Ish-deputeti i PD, Klevis Balliu, tha se Edi Rama kërkon viktima dhe sot ka sjellë FNSH dhe gjithë Policinë e Shtetit për të ndaluar heronjtë e Unazës së Re që të protestojnë”.

“Siç e kam paralajmëruar Edi Rama kërkon viktima dhe sot ka sjellë FNSH dhe gjithë Policinë e Shtetit për të ndaluar heronjtë e Unazës së Re që të protestojnë, siç ja lejon Kushtetuta duke provokuar dhunën dhe bërë arrestime të paligjshme tek Unaza.

Gjithçka ndodh sot është faji i Edvin Kristaq Ramës.

I bëj thirrje komunitetit ndërkombëtar që ti bëjë thirrje qeverisë të tërhiqet për të parandaluar dhunën.

Unaza momentalisht është në shtet rrethim për të provokuar dhunë,” tha Balliu duke paralajmeruar arrestimet qe mund te pasojne mbremjen e sotme me perfundimin e protestes.