Zgjedhjet e jashtëzakonshme do të mbahen më 8 shtator

Zgjedhjet e jashtëzakonshme do të mbahen më 8 shtator, raporton televizioni publik, RTK, duke iu referuar burimeve brenda Presidencës së Kosovës.

“Në përputhje me afatet kushtetuese e ligjore, Presidenti Hashim Thaçi ka vendosur që të shpall zgjedhjet e jashtëzakonshme të cilat do të mbahen me 8 shtator,” thekson Presidenca e Kosovës.

Ndryshe, zgjedhjet e jashtëzakonshme duhet të mbahen jo më herët se 30 ditë dhe jo më vonë se 45 ditë. Por, kjo vlen për datën pas konstituimit të Parlamentit të Kosovës. Këtë herë nuk kemi të bëjmë me konstituimin të ri të Parlamentit, prandaj nuk është e qartë nëse këto afate vlejnë edhe për këto rrethana.