Live/ Edi Rama me policë fillon aktin e fundit të dramës “Teatri Kombëtar”. Artistët tërheqen zvarrë…
Mëngjesi i zi i 24 Korrikut filloi me rrethimin e Teatrit nga forca të shumëta policie të cilët kanë filluar edhe aktin e fundit të dramës me regji të Edi Ramës, “Teatri Kombëtar”.
Policia e Ish-Gjeneral Sandër Lleshaj fillimisht u mor me largimin e kundërshtarëve të shembjes së Teatrit Kombëtar që me muaj të tërë i qëndruan bensik kauzës si Aleancë për Mbrojtjen e Teatrit. Më pas punonjësit kanë nisur zbrazjen e orendive nga Teatri Kombëtar, për t’i lënë vend projektit të ri, ndërsa artistët dhe qytetarët protestojnë në mbrojtje të Teatrit Kombëtar.
Por regjisori Robert Budina shprehet i vendosur për ta mbrojtur deri në fund Teatrin Kombëtar.
“Do ta rrethojmë me trupat tanë Teatrin Kombëtar. I bëj thirrje qytetarëve që në këtë moment të na mbështesin. i Ftoj në një qëndresë pa dhunë, me fjalët tona do i ‘çarmatosim. Qëndresa jonë është leksion për demokracinë”.
Ndërsa aktori Neritan Liçaj shtoi:
“Është shtëpia ime dhe e fëmijëve të mi, ne jemi rritur këtu dhe fëmijët e tyre edhe at vetë kanë ardhur në këtë shfaqje.”
Por ky nuk ishte fundi. Policia me urdhër nga lartë guxoi të tër heq zvarrë edhe regjisorin Robert Budina.
