Dhuna ndaj Bledi Kasmit/ RSF: Rama të dënojë publikisht përdorimin e dhunës nga policia

Organizata “Reporterët pa kufij” ka reaguar lidhur me dhunën e policisë ndaj gazetarit Bledi Kasmi, Kryeredaktor i RD-së, në protestën e djeshme të opozitës.

“RSF denoncon dhunën policore kundër gazetarit Bledi Kasmi në një demonstratë në #Tirana #Albania. Një gazetar me përvojë, Kasmi po raportonte për Rilindja Demokratike http://www.rd.al.

Kryeministri Edi Rama @ediramaal duhet të dënojë publikisht përdorimin e dhunës nga policia”, thuhet në reagimin e organizatës.

Bledi Kasmi u qëllua me shkop gome gjatë protestës së djeshme të opozitës, ndërsa ishte duke bërë disa fotografi për gazetën RD. Ai tha se është qëlluar dy ose tre herë në mënyrë të pabesë nga një prej policëve, pranë ministrisë së Brendshme.

Nga goditja në kokë, gazetari pësoi të paktën 10 qepje, ndërsa iu dha ndihma e parë në spitalin e Traumës në Tiranë.