“Mihal Kokëdhima”/ Edi Rama i jep leksion Spanjës për…
Ish-Shefi i kabinetit të kryeministrit spanjoll Adolfo Suárez dhe Ish-Drejtor i grupeve mediatike si Prisa ose COPE, themeluesi i ONO sot biznesmen i suksesshëm, Eugenio Galdón, është gdhirë me lajmin se Mihal Kokëdhima që e kishte dhunuar në Porto Romano, dhe që guxoi ta përmend emrin e kryeministrit shqiptar në gjykatë na qenka njeriu që nuk paguan drita, nuk paguan tatim, ndërton pa leje dhe biznesin e ka pa liçencë. Dhe jo vetëm kaq!
Sot miku i Mihalit dhe Kryeministri i Shqipërisë i dha dhe një leksion politikës spanjolle duke përfshirë këtu edhe Eugenio Galdónin, në veçanti për çështjen e pazgjidhur të Katalonias.
Ja si përfundon njeriu që guxon ta acaroj kryeministrin kur ai quhet Edi Rama:
Shembjen e Restorantit “Panorma” pronë e Miahl Kokëdhimës, Inspektoriati Kombëtar i Mbrojtjes së Territorit, IKMT, e quajti aksion për rikthimin e normave dhe normalitetit në Porto-Palermo.
Sot Edi Rama jo vetëm që urdhëroi IKMT-n të prish restorantin e Mihal Kokëdhimës sepse nuk e kishte idenë e mikëpritjes dhe u tregua i dhunshëm, por urdhëroi të gjitha TV-të të transmetojnë “Live” prishjen e restorantit të Mihalit në mënyrë që të gjithë “miqtë” e Kryeministrit ta kuptojnë se cili është dënimi i atyre që e lakojnë “Edi Rama”.
Ndërsa të ekzaltuarit që presin rikthimin e normave dhe normalitetit në Porto-Palermo e kanë shumë gabim. Normat dhe normaliteti nuk mund të rikthehen kur aty nuk kishte kurrë as norma dhe as nomralitet si para ashtu edhe pas dhunimit të Eugenio Galdónit. Për të arritur deri tek prona e Mihalit, fadroma nga Tirana e IKMT ka kaluar mijëra ndërtime pa leje, mijëra paligjshmëri dhe mijëra “miqë” të Edi Ramës që shkelin ligjin por nuk e hapën gojën si Mihal Kokëdhima!
Dhe, ajo që është më e rëndësishmja, IKMT nuk e ka idenë ashtu sikur se Edi Rama, se në këtë vend, para se të veproj fadroma, vepron Gjykata!
Këtë me siguri nuk e ka kuptuar Eugenio Galdón por gjithsesi e ka marrë një leksion të vyer nga Edi Rama por urojmë të mos e zbatoj në Kataloni. Imagjinoni se si do ta zgjidhte Kryeministri i Spanjës këtë çështje sikur Edi Rama në rastin më të mirë do të ishte këshilltar i Kryeministrit spanjoll, ose në rastin më të keq për katalonasit, Drejtore e IKMT të Spanjës do të ishte Dallëndyshe Bici!
Ndryshe, sot Inspektorati Kombëtar i Mbrojtjes së Territorit, pasifilloi spektaklin “Mihal Kokëdhima” bënë të ditur se IKMT ka vendosur të prishë bar-restorantin “Panorma” në Porto-Palermo, i ekspozuar publikisht pas një skandali të pronarit me disa turistë spanjollë dhe dy shoqëruesit e tyre shqiptarë.
Objekti rreth 2 mijë metër katror, i ndërtuar në një nga zonat më të bukura bregdetare të Shqipërisë, rezulton pa leje, ndërkohë që shfrytëzonte kundrejt pagesës edhe pjesën e plazhit.
Njoftimi i IKMT-së:
IKMT prish “Panormën”
Inspektorati Kombëtar i Mbrojtjes së Territorit ka vendosur të prishë bar-restorantin “Panorma” në Porto-Palermo, i ekspozuar publikisht pas një skandali të pronarit me disa turistë spanjollë dhe dy shoqëruesit e tyre shqiptarë.
Objekti rreth 2 mijë metër katror, i ndërtuar në një nga zonat më të bukura bregdetare të Shqipërisë, rezulton pa leje, ndërkohë që shfrytëzonte kundrejt pagesës edhe pjesën e plazhit.
Në këtë operacion, IKMT nuk ka hasur në kundërshtime të qytetarëve. Çdo veprim i saj ka qenë i koordinuar ngushtësisht me policinë e shtetit. Menjëherë pas përfundimit të këtij operacioni, IKMT do të vijojë punën në gjithë vijën bregdetare te vendit.
