“Ferdinandi me shokë”/ Mashtrimi me biletat, 1 mld lekë dëmi

Një miliard lekë është dëmi që i është shkaktuar buxhetit të shtetit përmes skemës së falsifikimit të biletave dhe aboneve të linjave urbane në Tiranë.

Nga grupi hetimor mësohet se kjo veprimtari krininale kishte te paktën një vit që kishte nisur duke shpërndarë biletat e falsifikuara dhe jo ato origjinale të shtypura në shtypshkronjë.

Dëmi fillon që nga prodhimi i tyre, ku për një biletë i paguhet shtypshkronjës 8.4 lekë, e më pas TVSH mujore si dhe ne fund tatim fitimi i xhiros.

Ndryshe, 8 persona të arrestuar dhe 150.000 bileta të falsifikuara, është ky epilogu i operacioni të koduar “Bileta e falsifikuar” i ndërmarrë dje nga policia në kuadër të operacionit kundër informalitetit.

Të arrestuarit janë administratorë, ortak apo punonjës të shoqërisë së transportit urban ndër të cilët edhe pronari i linjës së urbanëve “Unaza, Ferdinand Ibrahimi, 60 vjeç, dhe djali i tij, 20 vjeç, Anastas Ibrahimi, të cilit iu gjetën të fshehura provat materiale, në tentativë për t’i asgjësuar.