Takimi Mustafa-Kurti, Lutfi Haziri jep detajet…
Nënkryetari i Lidhjes Demokratike të Kosovës, Lutfi Haziri, beson se është duke ndodhur bashkimi ndërmjet partisë së tij dhe Lëvizjes Vetëvendosje.
Duke folur para takimit Mustaf-Kurti dhe mundësisë së arritjes së një marrëveshje parazgjedhore të LDK-së, Haziri tha se Vetëvendosje ka pasur gjithmonë të nominuarin e vetëm për kryeministër Albin Kurtin dhe se nuk kanë pasur plan të dytë asnjëherë.
“Ata, de-facto e kanë liderin e tyre, Kurti ka qenë gjithmonë i nominuari i vetëm i Vetëvendosjes për kryeministër. Nuk kanë pasur plan të dytë asnjëherë. Kësaj here ne po i themi, bashkohuni me ne, se me Vjosën ne dalim mirë të dy subjektet politike… Ne po punojmë për t’u bashkuar dhe besoj që bashkimi po ndodhë.”
Sa i përket takimit të kryetarit të LDK-së, Isa Mustafa dhe Albin Kurtit të Lëvizjes Vetëvendosje, ai tha se ata janë duke punuar për të finalizuar marrëveshjen parazgjedhore mes dy subjekteve.
Ndryshe, Komisioni Qendror Zgjedhor u ka caktuar afat subjekteve politike për lidhjen e koalicioneve të mundshme parazgjedhore për zgjedhjet e 6 tetorit, deri më 30 gusht.
