Albin Kurti në Podujevë: Prokurorin Blakaj do ta kthejmë në Kosovë

Kandidati i Lëvizjes Vetëvendosje për Kryeministër, Albin Kurti, në takim me qytetarët e Podujevës premtoi reforma të thella në drejtësi dhe zhvillim ekonomik ndërsa prokurorin Elez Blakaj që ka ikur për në Amerikë pas kërcënimeve gjatë vitit të kaluar tha se do ta kthejnë në vend.

Duke premtuar reforma në Drejtësi me ardhjen në krye të Qeverisë Albin Kurti përveç premtimit se do të zbatohet Vettingu shtoi:.

“Prokurorin Blakaj do ta kthejmë në Kosovë. Atë do ta bëjmë Kryeprokuror të Shtetit dhe nuk do të guxojë askush që ta kërcënojë, ”tha Kandidati i Lëvizjes Vetëvendosje për Kryeministër, Albin Kurti, duke shtuar se Kosova ka nevojë edhe për krijimin e Gjykatës Komerciale.