“Saimir Tahiri në liri”/ Reagimi, Prokuroria: Do ta apelojmë!

Një ditë pas vendimit të Gjykat së Krimeve të Rënda e cila Ish-Ministrin e Brendshëm, Saimir Tahiri, nga trafikant droge e konvertoi në një njeri model që përmes një shërbimi prove do të bëjë që të gjitha dëshmitë e publikuara ti harroj mileti, më në fund reagon edhe Prokuroria për Krime të Rënda.

Jo për të korrigjuar turpin e përfaqësuar në Gjykatën e Shkallës së parë, por për, siç thanë, një detyrimi ligjor, prokurorët Arenc Çela, Dritan Prençi dhe Vladimir Mara, do të apelojnë vendimin ndaj Ish-Ministrit Saimir Tahiri.

Ndryshe, Gjykata e Krimeve të Rënda e gjeti fajtor Ish-Ministrin e Brendshëm, Saimir Tahirin, vetëm për një nga tre akuzat e ngritura nga organi i akuzës.

Ndërsa Prokuroria kërkoi dënimin me 12 vjet burg, duke e akuzuar Saimir Tahirin për tre vepra të rënda: Trafik i narkotikëve kryer në bashkëpunim në formën e grupit të struktuar kriminal; Pjesmarrje në grup të strukturuar kriminal dhe Kryerja e veprës në grup të strukturuar kriminal. Duke vlerësuar se nuk kishte prova që të mbështesnin këto akuza, Gjykata e dënoi vetëm me 5 vjet për shpërdorim detyre, dhe duke pasur parasysh gjykimin e shkurtuar përfundimisht e dënoi me 3.4 vjet shërbim prove.