Kriza Politike, Lulzim Basha: Zgjidhjen ndërkombëtare e refuzoi Edi Rama!

Ndërkohë që Opozita e Bashkuar po merrte pjesë në Konferencën për reformën zgjedhore bashkërenduar nga Parlamenti dhe Prezenca e OSBE-së në Shqipëri, duke u përfaqësuar nga Sekretari për çështjet zgjedhore pranë PD, Ivi Kaso, Kryetari i Partisë Demokratike, Lulzim Basha, e bëri të qartë se negociatat me Bashkimin Evropian hapen pas plotësimit të 9 kushteve ndërsa garantoi çdo shqiptar dhe partnerët strategjik se PD dhe opozita e bashkuar do të bëjë gjithçka që vendit t’i hapen sa më parë negociatat:

“Negociatat hapen pas plotësimit të 9 kushteve Në emer të PD dhe opozitës së bashkuar të garantojmë çdo qytetar shqiptar dhe partnerët tanë, BE, partnerët tanë strategjijë euroatlantikë se PD dhe opozita e bashkuar do të bëjë gjithçka që vendit t’i hapen sa më parë negociatat. Për këtë duhet një lexim realist i situatës, çka mungoi dje. Për herë të katërt Edi Rama i hapi negociatat dhe jo më kot mediat dhe rrjetet sociale i kujtuan mashtrimet e njerëzve çdo vit.”

Mediat kryesore, tha Lulzim Basha, fatkeqësisht, iu bashkuan Edi Ramës në dasmën pa nuse por vetëm e vërteta na ndihmon të shkojmë përpara.

“E vërteta është kur vendi të plotësojë 9 kushte të ndara në dy faza. Për herë të parë kemi nje mekanizëm me dy faza, ndërkohë që maqedonise kapitujt do tli përcaktohen që në konferencën e parë. Ndërsa ne kemi dy kushte, vënien në punë të gjykatës kushtetuese dhe gjykatës së lartë, reformën zgjedhore gjithëpërfshirëse. Konferenca e dytë do të ndodhë vetëm nëse janë zbatuar 7 kushtet e tjera.”

Me këtë rast lideri i opozitës porositë Edi Ramën i cili ka harruar cilin vend dhe si e qeverisë, që ti kthej mandatin qytetarëve dhe të vendosin ata se kush do t’i qeverisë.

“Vendimi për moshapjen e negociatave deri në plotësimin e 9 kushteve dhe zgjidhjes së krizës politike është shumë më i mirë, se ai alternative, që do të ishte një JO dhe mbyllja e dyerve të Europës. Ai shtron para nesh përgjëgjsi të jashtëzakonshme, por po përballemi me dy sjellje. Kemi një përgjegjës si Edi Rama, për këtë gjendje që nuk e sheh elefantin në dhomë, nuk sheh malin e problemeve, duartroket dhe hap shampanjë. Është edhe opozita politike e vendosur t’i japë vendit një plan konkret kombëtar për nxjerrjen e vendit nga kriza e thellë politike ekonomike, kushtetuese dhe përfaqssuese. Një plan që bën të mundur avancimin e projektit për Shqipërinë si gjithë Europa.”

Edhe kësaj radhe, tha Basha, dështimi për të mos hapur negociatat është përgjegjësi e Edi Ramës dhe askujt tjetër:

“Dua ta them qartë se dështimi për të mos hapur negociatat edhe kësaj rradhe, përgjegjësia për këtë vendim është e Edi Ramës dhe e askujt tjetër, është dështim i tij personal dhe jo kombëtar. Është dështim i Edi ramës, jo I Shqipërisë. Ky njeri është në pushtet prej 6 vitesh dhe, vitin e fundit, përveç kryeministër, ëhstë edhe ministër i jashtëm. Ky dështim ka vetëm vulën e tij dhe ai duhet të përballet me pasojat për këtë dështim. Na ka premtuar në mënyrë të përsëritur se do të hapë negociatat me Bashkimin Europian dhe siç duket qartë edhe me këtë premtim, si me çdo premtim, ka dështuar.”

Për fat të keq, këtë dështim Kryetari i PD e vlerëson si dështim të fundit në kaosin dhe krizën që ka shkaktuar qeverisja e Edi Ramës.

“Ekonomia është e shkatërruar korrupsioni në nivele më të larta në 30 vite, dhe ne jemi larguar nga Europa, kushte që vijnë duke u shtuar çdo 6 muaj, nga 5 , u bënë 7 dhe tani 9 . Na ka futur në marsh indietro dhe as nuk ka idenë si dilet prej kësaj situate. Është e qartë se atë që nuk arrin ta bëjë dot në mandate, nuk do të arrijë ta bëjë më kurrë. Port ë shohim rreth e qark, Mali i Zi dhe Serbia I kanë hapur negociatat, Maqedonia po e bën tani. Të gjithë janë në rrugën drejt Europës. E vetmja gjë që na ndan ne nga këto vende janë drejtuesit e vendit, është drejtuesi i qeverisë.”

Nuk ka pse të jetë kështu, tha ai, Shqipëria është një vend që nuk i mungon asgjë në raport me fqinjët tanë, një vend tek i cili duhet të kemi besim të plotë si shqiptarë dhe si si patriotë.

“Ky është vedi që me drejtimin e duhur u bë anëtar I NATO-s, realizoi lëvizjen e lirë pa viza dhe bëri hapa para me negociatat. Është një popull punëtor e i talentuar, i cili në kushte mundësish dhe lirie ia del të ndërtojë mrekullira. Nën udhëheqjen e duhur dhe me një plan konkret ne do t’I përmbushim kërkesat e Europës dhe do të lëvizim shpejt drejt anëtrësimit në BE.”

Tani është momenti qësiç e ka kuptuar çdo shqiptar, siç e ka kuptuar edh PS, edhe Edi Rama të kuptojë se është ai që e mban peng vendin. Se ky dështim është vetëm dështim i tij.

“Ky është momenti t’u kthejë mandatin qytetarëve, që të vendosin qytetarët se kush do t’I qeverisë. Të vendosin qytetarët, nëse do t;I besojnë atij një mandat të tretë apo jo, apo do të mbështesin opozitën me alternativën e daljes nga kriza e thellë sociale, ekonomike dhe politike, alternativën e Shqipërisë si gjithë Europa, që është PD dhe opozita e Bahskuar. Për hir të qytetarvë shqiptarë, për hir të fëmijëve, të të rinjve dhe të moshuarve, është koha që një herë në jetën e tij Edi Rama të vendosë fatin e Shqiëprisë të parin dhe jo fatin e tij personal me të cilin ka mbajtur pneg Shqipërinë gjatë këtyre 6 viteve.”

Në fund, Kryetari i Partisë Demokratike, Lulzim Basha, e bëri të qartë se as ai, as Partia Demokratike, as Opozita e Bashkuar nuk kanë qenë pengesa për dialogun politik, për t’i dhënë fund krizës.

“Partia Demokratike dhe unë i kemi thënë PO propozimit të partnerëve tanë ndërkombëtarë që në datën 9 qershor. Ai që ka refuzuar propozimin për zgjidhjen e krizës, ai që ka refuzuar angazhimin e faktorit ndërkombëtar për zgjidhjen e krizës, është Edi Rama, sepse, donte të kapte pushtetin lokal me një proces monist, antikushtetues, siç duket qartë edhe nga provat e publikuara edhe nga raporti i OSBE – ODHIR, kriminal. Sepse për të pushteti i tij, vjen përpara Shqipërisë, vjen përpara shqiptarëve”.

Ndërsa komunikimin e sotëm me gazetarë e përfundoi duke i lutur që ti bëjnë një pyetje Kryeministrit Edi Rama:

“Përse ka refuzuar ofertën e faktorit ndërkombëtar për zgjidhjen e krizës? Sepse, nuk është as Partia Demokratike, as opozita dhe as unë shkaktari dhe fajtori për refuzimin e asaj oferte. Është një dhe një njeri i vetëm, dhe ky është Edi Rama.”