“Shengeni Ballkanik”, Edi Rama plotëson ëndërrat e Enver Hoxhës
Enver Hoxha e filloi në vitin 1946 procesin e bashkimit të Shqipërisē dhe dështoi ndonsëse mori nje medalje nga krimineli Josip Broz Tito në Beograd. Pikërisht aty ku e la Enver Hoxha e vazhdoi Edi Rama duke marshuar në Beograd për të vazhduar me bashkimin me Serbinë duke e pagëzuar me homologun e tij serb Aleksandar Vuçiç, “Shengen Ballkanik”.
Nuk është e qartë se cili është qëllimi i kësaj Marrëveshje, tetë vjet pas liberalizimit të vizave dhe sot shqiptarët përfitojnë nga lëvizja e lirë e mallërave e njerëzve por sot kur Edi Rama këtë të drejtë u mohon kosovarëve, u premton serbëve dhe maqedonëve.
Deri në fund të vitit 2021 “Shengeni Ballkanik” do të jetë realitet”. Kështu deklaroi kryeministri Edi Rama në një konferencë të përbashkët me presidentin Aleksandër Vuçiç dhe kryeministrin Zoran Zaev pasi arritën Marrëveshje që Kosovën ta lënë jashtë këtij marifeti ballkanik.
“Kemi angazhuar një grup pune për takimin në Ohër. Në takimin e Ohërit do të japim të mirat e këtij procesi. Gjithçka që bëjmë është për të ardhmen europiane. Hapje dhe krijim i mundësive për investime në Ballkan. Ne nuk jemi prioriteti i BE, prioritet i tyre është vetë BE.”
Duke vajtuar nga Novi Sad se historia na la mbrapa dhe jo qeverisjane tij kriminale, kryeministri Edi Rama dha një mesazh edhe nga bashkëqeverisja e tij ballkanike ndonëse nuk hapën një portal.
“Mjafton të japim një shembull për të kuptuar sesa dëshpërimisht na duhet të ecim përpara dhe kjo është 26 milionë orët e pritjes në vitet e kaluara në vendkalimet kufitare.”
Ndërkohë Zoran Zaev nuk ishte aq entuziast sa Edi Rama foli për lëvizjen e lirë tē mallërave ndonëse Maqedonia e Veriut i gëzon ndër të parat në rajon.
“Ne kemi nevojë të investojmë shumë më tepër në punë intensive sesa të jemi të kenaqur me atë që është arritur deri më tani. Rajoni ynë patjeter që duhet të përmirësojë bashkëpunimin për aplikimin e katër lirive themelore: lëvizje e lirë e mallrave, shërbimeve, punëtorëve dhe qarkullimit,” tha Zoran Zaev i bindur se nëse investitorët e huaj afrohen në ballkan do të gjejnë një treg me mbi 20 milionë konsumatorë.
Ndërsa Aleksandar Vuçiç, problemi i vetëm në rajon dhe vetëm së bashku me shtetin kriminal që drejton, tha se vendet e Ballkanit Perëndimor duhet t’i zgjidhin problemet me njëri-tjetrin.
“A mund ta imagjinoni të keni një treg pune? Rritje e konkurrencës, zgjidhje më të lehta dhe pa problem. Kush ka leje pune në Shkup, e ka në Beograd, kush e ka në Beograd e ka dhe në Tiranë. Këto janë gjëra fantastike nëse mund t’i zgjidhim. Plani është ti zgjidhim deri në vitin 2021,” tha Aleksandar Vuçiç duke bërë të ditur se është rënë dakord që takimi i ardhshëm të zhvillohet në Ohër në 10 nëntor, dhe aty pritet që vendet të dalin me masa konkrete.
Pas kētij Samiti të turpshëm që u zhvillua në Novi Sad të Serbisë, një javë para Samitit të BE në Luksemburg, pritet një editorial i Edi Ramës për Aleksandar Vuçiçin siç bëri krimineli Enver Hoxha për Josip Broz Titon!
