Telefonatë 45′ me Merkel/ Edi Rama vendos pikat mbi “i”, Macron i vë presjet!

Pas një telefonate 45 minutëshe me Kancelaren e Gjermanisë, Angela Merkel, Kryeministri Edi Rama publikoi detajet e bisedës ku ishte diskutuar ecuria e mëtejshme e përpjekjeve për çeljen e negociatave për anëtarësim e Shqipërisë.

“Gjatë një telefonate rreth 45 minuta me Kancelaren Merkel vendosëm të gjitha pikat mbi “i” për ecurinë e mëtejshme të përpjekjeve të përbashkëta për çeljen e negociatave për anëtarësim,” thekson Edi Rama përmes rrjetit social Facebook duke shtuar se Kancelarja rinënvizoi qëndrimin e Gjermanisë në mbështetje të Shqipërisë, për çfarë dhe kryeministri shqiptar e falënderon: Danke Angela!

Që Kancelarja Merkel dhe Gjermania mbështesin Shqipërinë, nuk duhet zhvilluar telefonatë me askënd në Berlin, kjo është e qartë dhe për këtë është shprehur Bundestagu, por, problemi për integrimet euro-atlantike të Shqipërisë, ishte dhe ngeli Franca; Aktualisht, presjet që ka vendosur Presidenti i Francës, Emmanuel Macron në Samitin e liderëve të BE!