Fyerja e Borchardt, Gratë e Unazës për Dinjitet: Largohu!

Gratë e Unazës së Re sot kanë protestuar kundër Ambasadorit të OSBE në Tiranë, Bernd Borchardt, pas sjelljes fyese ndaj grave tek Drejtoria e Policisë në Tiranë duke i bërë thirrje Sekretarit të Përgjithshëm të OSBE, Thomas Greminger, që ta largoj Ambasadorin e Borchardt.

Në momentin kur Ambasadori Borchardt po futej në ambientet ku pritej të fillonte Konferenca për Reformën Zgjedhore, tashmë lëvizja “Gratë e Unazës për Dinjitet” e pritën me pankarta që kishin mesazh si për Ambasadorin me sjellje rrugaçi ashtu dhe organizatën që përfaqëson dhe e konsideroi si një veprim normal fyerjen e cila u pasua me një kërkimfalje.

“Ne kemi ardhur këtu të kërkojmë dorëheqjen e tij, pasi ai na ka fyer rëndë,” u shpreh një prej grave të pranishme në protestë dhe e fyer nga ky zyrtar i OSBE në kohën kur ajo po kërkonte lirimin e kryefamiljarit.

Kishte dhe prej atyre grave që vazhdojnë të mendojnë se “OSBE është shumë më e mirë se gishti i mesit i Borchardt,”

Ndërsa mesazhi kryesor ashtu si edhe arsye e protestës ishte dhe lutja që i bëhet Sekretarit të Përgjithshëm të OSBE-së:

“Ju lutem Sekretar Greminer merrni Borchardt-in me ju, mos e leni të kthehet përsëri!”