Veseli: Qytetarët e Kosovës do të lëvizin lirshëm në fund të këtij viti

Kryetari i Parlamentit të  Kosovës, Kadri Veseli tha pas mbledhjes së Kryesisë se me mbështetje të plotë të grupeve parlamentare është caktuar seanca plenare,  ndërkohë i pyetur për liberalizimin e vizave, proces për të cilin shefi i diplomacisë kosovare tha se sot do të dihet data, ai tha se qytetarët e Kosovës do të lëvizin lirshëm në fund të këtij viti.

“Presim që në fund të vitit të lëvizim lirshëm. Është një lëvizje e merituar e jona. Do ta përçojmë zërin se duam lëvizje të lirë dhe jo azil. Kosovarët nuk do të kërkojnë azil në vendet e tjera, por duan të lëvizin lirshëm. Jemi vend i lirë, kemi ecur shumë përpara dhe kemi parasysh se liberalizimi do të ndodh. Këtë e kemi të konfirmuar në shumë vizita të larta. Po planifikojmë që me datën 7 qershor të takohemi me kryetarin e kuvendit të Austrisë, pastaj në Francë e jemi duke punuar edhe për takim në Berlin”, tha kryeparlamentari Veseli.