Takimi Kurti-Mustafa përfundon pa marrëveshje

Takimi në mes dy liderëve atij të Lëvizjes Vetëvendosje, Albin Kurti dhe atij të LDK-së, Isa Mustafa sërish ka përfunduar pa marrëveshje. Pas takimit, Nënkryetari i LDK-së, Avdullah Hoti, tha se janë dakorduar që t’i vazhdojnë takimet në baza ditore.

“Sot kemi pasë takim të gjatë, por besoj mjaft konstruktiv për të shkëmbyer të gjitha pozicionet tona për marrëveshjen që pritet të arrihet mes të dy subjekteve politike.Jemi dakorduar që të vazhdojmë takimet në baza ditore derisa të përmbyllim bisedimet. Kaq u dakorduam sonte”, tha Hoti.

Edhe deputeti i Lëvizjes Vetëvendosje, Glauk Konjufca, tha se do të vazhdojnë takimet për arritjen e marrëveshjes për bashkëqeverisje.

“U pajtuam që takimet tona të jenë më të shpeshta, dhe për këtë arsye nesër sërish do të takohemi. Ka diskonim prej të dy palëve të arrihet marrëveshja.Ne jemi të pakënaqur me ndërrimin e datës së konstituivit të Kuvendit sepse presidenti nuk ka dhënë asnjë shpjegim”, tha Konjufca duke u zotuar se brenda këtyre dy javëve do të përfundojë marrëveshja me LDK-në.