Prezantohet libri ”Varrezat në Ulqin” me autor Ali Bardhin

Shoqata e Artistëve dhe Intelektualëve “Art Club” nga Ulqini bëri mbrëmë përurimin e librit “arrezat në Ulqin – Zona e brendshme e qytetit dhe rrethina e afërt” të autorit Mr.Ali Bardhi.

Në prani të shumë studiuesve dhe jo vetëm, për librin folën: Dr. Ardian Muhaj nga Instituti i Historisë ASA nga Tirana, Dr. Agron Islami nga Instituti i Historisë “Ali Hadri” nga Prishtina, Dr. Behlul Kanaqi, Meshihati i Bashkësisë Islame në Malit të Zi, Gazmend Kovaçi, udhëheqës i Muzeut të Ulqinit dhe Ismet Karamanaga, publicist i njohur nga Ulqini.

Në fund duke falënderuar të gjithë ata që kanë ndihmuar në këtë projekt trevjeçar të tij, të pranishmëve iu drejtua edhe vetë autori i librit, Ali Bardhi, sipas të cilit, gurëvarri më i hershëm me mbishkrimin arabo-osman mbi sipërfaqen e tokës që është arritur të indentifikohej prej hulumtimit të tij, i përket vitit 1708. Në këtë pikë, Bardhi paraqitet mjaft i kujdesshëm duke shtuar se kjo çështje mbetet të studiohet më tutje edhe në të ardhmen.

”Përmes paraqitjes së 400 gurëvarreve me epitafe arabo-osmane që kemi mundur të identifikojmë, më i voni i përket vitit 1943,” tha Ali Bardhi/Ulqinionline/