Mini Shengeni/ Serbia në Tiranë realizon ëndrrën e Enver Hoxhës, Vuçiç: Në Janar “Marrëveshja Historike”

Përkundër protestave të mëdha për vizitën e Presidentit të Serbisë, Aleksandar Vuçiç, në Tiranë, kjo nuk e pengoi kriminelin serb të shkel në kryeqendrën shqiptare me qëllim të realizimit të ëndrrës së Enver Hoxhës, bashkimit të Shqipërisë me Serbinë që tashmë është pagëzuar Mini Shengen.

Aleksandar Vuçiç u prit me protesta të organizuara nga Lëvizja Vetëvendosje para Hotelit Rogner ku ai u takua me qirakët e tij, Edi Rama dhe Zoran Zaev për të zhvilluar një takim informal pa u penguar pse takimin e bojkotoi Presidenti i Kosovës, Hashim Thaçi.

Pas takimit Vuçiç tha se me Ramën dhe Zaevin janë dakorduar për disa çështje.

“Jemi pajtuar për integrimin më të madh të autoriteteve emergjente, veprimin e përbashkët të zjarrfikësve dhe njësive policore në rast zjarresh, përmbytjesh, tërmeteve dhe të ngjashme,” tha Presidenti i Serbisë, Aleksandar Vuçiç duke e bërë të ditur se takimi i radhës do të zhvillohet në fund të janarit në Beograd dhe do të jetë historik.

“Tashmë para fundit të vitit, ne do të kalojmë kufirin vetëm me një letërnjoftim, dhe ajo që është më e rëndësishme për ne është që krijojmë softuer që të gjithë e kanë pranuar. Kështu kemi rënë dakord që të kemi një treg të vetëm të punës. Nëse një shqiptar ose maqedonas lëviz në Serbi, mjafton të përdorësh telefonin ose kompjuterin e tij dhe të aplikosh për një vend pune. Pra, nëse një shqiptar shkon në Serbi dhe dëshiron të punojë, ne do t’i kemi tashmë informacionet e tij, sepse jemi në rrjet,” tha Vuçiç duke i bërë të qartë shqiptarëve të kenë kujdes se tashmë janë shumë më rrezikuar, edhe kur mendojnë se janë të paidentifikueshëm kur qëndron në kryeqendrën serbe, Beograd.

Në fund, Aleksandar Vuçiç tha se që nga 1 Dhjetori, kanë krijuar një inspektim fito-sanitar që do të afrohen edhe me Dogana.

Vuçiç, Zaev dhe Rama pas takimit informal së bashku iu bashkuan eventit të bamirësisë “Ti nuk do të jesh kurrë vetëm”, për mbledhjen e fondeve për të prekurit nga tërmeti i 26 Nëntorit.

Nesër ata do të inspektojnë zonat e prekura nga tërmeti në Durrës dhe më pas do të zhvillohet Samiti i III-të i cili fillon në orën 10:00.