Mini Shengeni dhe tërmeti, ja sa të shqetësuar janë Rama, Vuçiç, Zaev, Gjukanoviç përballë godinave të dëmtuara

Mjeshtri i spektakleve, Edi Rama së bashku me Presidentin e Serbisë Aleksandar Vuçiç, Presidentin e Malit të Zi, Milo Gjukanoviç dhe Kryeministrin e Maqedonisë së Veriut Zoran Zaev ishin sot në Golem pjesëmarrës të një show pas tërmeteve, por kjo foto e dekonspiron “shqetësimin” e tyre me rastin e vizitës së familjeve të goditura nga tërmeti tragjik i 26 Nëntorit që i la pa shtëpi.

Kjo vizitë nga afër e godinave të dëmtuara dhe banorëve të zonave të goditurau bë në prag të takimit të tretë pë realizimin e ëndrrës së Enver Hoxhës që sot Vuçiç e quan Mini Shengen, ndërkohë ciceroni i vizitës së shkretëtirës që la tërmeti ishte ministri Fuqiplotë dhe Drejtuesi i Zyrës Operacionale për Menaxhimin e Fatkeqësisë Natyrore, Bledi Çuçi.

Ndalesa në Durrës e Vuçiçit me shokë u bë pak para takimit të tretë të Mini Shengenit, i cili sipas agjendës së Vuçiçit zhvillohet në Tiranë dhe Durrës, me datat 20-21 Dhjetor 2019.

Ndonëse pas kësaj vizite liderët vazhduan drejtë tryezës me takimin e tretë rajonal, dje “bossi” i idesë së Mini Shengenit e bëri të qartë se në Janar do të nënshkruhet Marrëveshja Historike në Beograd.