Thaçi e fton për mandatin e Kryeministrit, Kurti e refuzon…

Presidenti i Kosovës, Hashim Thaçi e ka ftuar sot kryetarin e Lëvizjes Vetëvendosje, Albin Kurtin, për të caktuar kandidatin për ti dhënën mandatin për formimin e qeverisë, por Kurti i cili ftesën e mori në orën 11:00 për ta takuar Presidenti Thaçin në orën 13:30, u shpreh se e ka të pamundur ta takoj Presidentin, meqenëse ndodhet jashtë Prishtinës.

“Ju ftoj që të merrni pjesë në takim konsultativ për caktimin e mandatit për formimin e qeverisë. Në pajtim me Nenin 84 (14) dhe Nenin 95.1. të Kushtetutës së Kosovës do të ndërmarrë hapat e përcaktuar në Kushtetutë për caktimin e mandatarit për formimin e Qeverisë,” thuhet në ftesën e Presidentit Thaçi drejtuar Kryetarit të Lëvizjes Vetëvendosje, Albin Kurti e cila fillimisht u publikua tek portalet në shërbim të Thaçit dhe në fund mbërriti në destinacion.

Mirëpo Zyra për Informim e Lëvizjes Vetëvendosje ka bërë të ditur se Albin Kurti e ka të pamundur të marrë pjesë në këtë takim për shkak të agjendës se planifikuar më parë ndërsa ftesa e Presidentit Thaçi ka mbërritur sot pas orës 11:00.

“Pak pas orës 11:00, në selinë e LVV, sot erdhi letra e Presidentit të Kosovës për një takim po ashtu sot në ora 13:30, me Kryetarin e LVV, Albin Kurti. Kryetari Kurti e ka sot të pamundur ta takoj Presidentin, meqenëse ndodhet jashtë Prishtinës. Ai do ta njoftojë së shpejti Presidentin për ditët e orët e mundshme të takimit,” sqaron , thuhet në Zyrës për Informim e Lëvizjes Vetëvendosje pas sjelljes përbuzëse në vijimësi të Presidentit Thaçi si ndaj Albin Kurtit ashtu dhe Vetëvendosjes.