Stuhia e fortë në Tiranë, 5 persona përfundojnë në Spitalin e Traumës

Pesë qytetarë me lëndime të ndryshme nga stuhia së fortë që përfshiu dje Tiranën kanë përfunduar në Spitalin e Traumës. Por, pasi kanë marrë mjekimin e duhur, të lënduarit janë larguar për në shtëpi.

Lëndimet e qyetarëve që iu drejtuan Spitalit të Traumës kryesisht ishin nga rënia e objekteve të ndryshme si pasojë e erës së fortë në Tiranë.

Ndryshe, era e fortë në Tiranë arriti shpejtësinë deri në 77 km në orë, duke shkaktuar rrëzimin e shumë pemëve dhe shtyllave të përcjelljes së energjisë elektrike, madje dhe këputjen e një fideri në Selitë, rënien e depozitës nga një pallat në Komunën e Parisit si dhe pemën e Vitit të Ri në Sheshin Skenderbej.