Ekzekutohet në Rreshen pronari i televizionit, policia jep detajet…

Ekzekutohet në Rreshen pronari i televizioni lokal M+ me qendër në Lezhë, Kastriot Reçi, 47 vjeç. Në një informacion paraprak policia bënë me dije se ngjarja ka ndodhur sot, rreth orës 11:05, në afërsi të një lokali në Rreshen, Mirditë.

“Në rrethana ende të paqarta është vrarë me armë zjarri shtetasi K.R., 47 vjeç”, thuhet ne njoftimin e policise. Grupi hetimor po punon për zbardhjen e rrethanave të ngjarjes me qëllim identifikimin dhe kapjen e autorit/eve. Shërbimet e Policisë të D.V.P. Lezhë, të Komisariatit të Policisë Mirditë, po krehin zonën si dhe janë ngritur pika kontrolli për kapjen e autorit/eve,” thekson Policia e Mirëditës.

Ndërkohë që priten të sqarohet rrethanat nga policia, në mesazhin e urimit për Vitin e Ri në rrjetin social Facebook, i ndjeri sikur kishte parandjenjë dhe ndante një këshillë edhe për miqtë e tij:

“Qëndroni sa më larg njerëzve të keqinj, mashtrues dhe të pabesë,” ishte mesazhi i Kastriot Reçit i 1 Janarit të vitit 2020.

Dyshimet e para për vrasjen e Kastriot Reçit janë për hakmarrje. 47-vjeçari vetëm dy vite më parë kishte humbur vëllain e tij në Itali, Gasprin.

Gaspër Reçi u vra mbrëmjen e 28 prillit të vitit 2017 në Romë të Italisë. 43-vjeçari u qëllua me katër plumba rreth orës 23:30 të 28 prillit nga një makinë, teksa ishte duke ecur drejt banesës së tij në rrugën Simeri Crichi, në Tor Vergata. Nga hetimet nuk u identifikua asnjë autor i dyshuar për vrasjen.

Duke iu referuar burimeve nga policia BW raporton se dyshohet që dy vëllezërit ishin të përfshirë në aktivitete të dyshimta kriminale dhe kanë pasur përplasje me një grup tjetër për çështje droge. Të dy grupet dyshohet se operonin jashtë vendit.

Ndryshe, 47-vjeçari që u vra sot sapo doli nga lokali i tij në Rrëshen, ishte pronar i televizionit lokal M+ dhe nuk njihej si tip problematik ndërsa nga opinioni publik në zonë gëzonte respekt.