Paloka ironizon Ramën: Nuk ia del dot as me militantët e tu, bën cinikun dhe arrogantin…

Nënkryetari demokrat i Kuvendit, Edi Paloka, përmes një komenti në rrjetet sociale, ka ironizuar takimin e Kryeministrit Edi Rama në Cërrik në kuadër të turit të llogaridhënies. Çëriku është një nga bastionet e së majtës, por Rama është përballur me një sërë ankesash, që nisin nga punësimet dhe deri tek gjendja e shëndetësisë dhe rimbursimi I medikamenteve.

Referuar asaj çka ndodhi në Cërrik, Paloka shkruan në rrjet se “i mësuar të lëshojë mufka e të mashtrojë pa i reaguar askush, lideri magjepsës po provon dhe kupton çdo ditë se me mufka e mashtrime nuk mund të mbajë me as militantët sepse në fund të fundit dhe ata kanë nevojë të punojnë, të ushqehen e të marrin shërbim shëndetësor”.

Komenti I Edi Paloka

Ramën e gozhdojnë militantët. Shqipëria e Ramës ku më lehtë e më lirë gjen drogën se sa ushqimet dhe ilaçet.

Rama nuk po ja del dot me as me militantët që i mbledh partia për shfaqjen e “llogaridherjes”.

I mësuar të lëshojë mufka e të mashtrojë pa i reaguar askush, lideri magjepsës po provon dhe kupton çdo ditë se me mufka e mashtrime nuk mund të mbajë me as militantët sepse në fund të fundit dhe ata kanë nevojë të punojnë, të ushqehen e të marrin shërbim shëndetësor.

Sot në Cerrik (bastion i PS), ju desh të përplasej me realitetin siç ja paraqitën militantët e partisë së tij e jo “kazani”. E si gjithnjë , kur nuk i pëlqen të dëgjojë të vërtetat , bëri cinikun dhe arrogantin.

I thanë se nuk përballonin dot ilacet dhe lideri ju a kthehu se “po kërkonin qiqra në hell…”

Sigurisht , në Shqipërinë e Edvinit më kollaj e më lirë gjen drogën se ushqimet dhe ilaçet.