Miratimi i “Anti-KÇK”/ Reagimi, PD: Me Edi Ramën, vetëm propagandë dhe bashkëqeverisje me krimin

Pasi qeveria miratoi paketën e “Anti-KÇK” ka reaguar Partia Demokratike përmes Sekretarit të Përgjithshëm, Gazment Bardhi duke theksuar se sa herë ka një hall të madh, Edi Rama shpik një ligj me emër të madh. “AntiKÇK” ka për të dështuar, siç dështoi “Forca e ligjit”, sepse në krye të qeverisë është ortaku i krimit të organizuar

“Që do të zbatojë Edi Rama ndonjë ligj që godet krimin e organizuar, është si të besosh se hijena do të bëhet vegjetariane. Sa herë ka një hall të madh, Rama shpik një ligj me emër të madh. “AntiKÇK” ka për të dështuar, siç dështoi “Forca e ligjit”, sepse në krye të qeverisë është ortaku i krimit të organizuar,” thekson Gazment Bardhi duke shtuar se me Edi Ramën kanë dalë jashtë burgut kriminelët më të rrezikshëm.

“Me Edi Ramën, Shqipëria është shndërruar në bazë operacionale për krimin e organizuar. Me Edi Ramën nuk ka për të patur luftë kundër krimit,” konstaton Sekretari i Përgjithshëm Gazment Bardhi duke përfunduar:

“Me Edi Ramën ka vetëm propagandë dhe bashkëqeverisje me krimin e organizuar”- shkruan Bardhi.