Takimi Meta-Basha, Presidenca: Kryetarit të PD iu kërkua…

Presidenti i Republikës ka zhvilluar sot një takim me Kryetarin e Partisë Demokratike, me kërkesën e Ilir Metës ku dhe e informoi Lulzim Bashën për përpjekjet e Edi Ramës për grusht shtet ndërsa kërkoi nga lideri i opozitës që të informoj edhe drejtuesit e partive të tjera opozitare.

“Presidenti Meta e njohu z.Basha me skandalet e fundit anti-kushtetuese dhe përpjekjet e Rilindjes për grusht shteti, dhe i kërkoi kryetarit të PD-së që të informonte edhe drejtuesit e partive të tjera opozitare,” bëri të ditur pas takimit Zëdhënësi i Presidentit përmes rrjetit social Facebook ndërsa përfundoi:

“Presidenti Meta bëri të qartë se do të bëjë çdo gjë për të ndaluar dhe për të shpartalluar grushtin e shtetit, duke i dhënë përgjigjen më shembullore që meriton.”

Ja postimi i plotë:

Presidenti i Republikës Sh.T.Z Ilir Meta thirri sot në një takim Kryetarin e Partisë Demokratike, z.Lulzim Basha.

Presidenti Meta e njohu z.Basha me skandalet e fundit anti-kushtetuese dhe përpjekjet e Rilindjes për grusht shteti, dhe i kërkoi kryetarit të PD-së që të informonte edhe drejtuesit e partive të tjera opozitare.

Presidenti Meta bëri të qartë se do të bëjë çdo gjë për të ndaluar dhe për të shpartalluar grushtin e shtetit, duke i dhënë përgjigjen më shembullore që meriton.