Taksa në rrugën e Kombit/ Vasili ka një porosi: Refuzojeni…
Qeveria pritet që gjatë kësaj jave të bëjë të ditur taksën e kalimit në rrugën e Kombit. Pas deklaratave të mbërritura nga Kukësi, Tropoja e Kosova është sërish kreu i grupit parlamentar i LSI-së Petrit Vasili që bën thirrje për refuzim. Sipas tij, kjo taksë është kundër kombit shqiptar.
Komenti i Petrit Vasilit
Taksa e Rrugës së Kombit kundër shqiptarëve dhe kosovarëve.
REFUZOJENI !!
Të gjitha Bashkitë e veriut Kukës, Has, Tropojë janë kategorikisht kundër taksës së Rrugës Kombit që zhvatet nga xhepat e qytetarëve.
Me Kosovën nuk është konsultuar kërkush dhe arroganca e kryeministrit të Shqipërisë ka zëvendësuar komunikimin me vëllezërit nga Kosova.
Uria për të plaçkitur shqiptaret ja ka zënë sytë kryeministrit ndaj i ëshgtë vërsulur taksës së Rrugës së Kombit dhe milionat ja kanë humbur rrugën.
Kryeministri ndau Shqipërinë nga Kosova më me egërsi se sa edhe armiqtë tradicionale të kësaj lidhje gjaku e sakrificash mes vëllezërish.
REFUZOJENI TAKSEN.
Të mbrojmë djersen e shqiptareve nga plaçkitja.
Të mbrojmë lidhjen vëllazërore të patjetërsueshme me Kosovën, që kjo taksë po i vë minat.
