“Besëlidhja dhe Besëlikja”, Edi Rama ndihmon mashtrimin e Ilir Metës

Ishte e qartë se Kryeministri Edi Rama nuk kishte se çfarë tu thoshte të rinjëve socialist në ditën e tretë të Kongresit zgjedhor të Partisë Socialiste ai i dha një dorë të fortë ingranazhit të mashtrimit të Ilir Metës duke krijuar idenë se është dhe kundështari i tij.

Duke folur në tribunën e vendosur para Presidencës, Edi Rama ironizoi njeriun që kishte para më 21 Janar 2011 kur i vuri flakën Shqipërisë dhe më 1 Prill 2013 vendosi ta bëjë qeverinë me Ilir Metën, për ti rritur sot piacën fjalëve që Meta vazhdon e nxjerr nga goja për ta kthyer Kushtetutën e vitit 1998.

“Nuk është debati Besëlidhja dhe Besëlikja, që ka marrë vëmendje. Kush është me Besëlidhjen, kush është me Besëliken, pa kuptim, humbje kohe, degradim i madh dhe goditje e shpresës se në këtë vend mund të jetohet normalisht dhe se ky vend nuk është peng i atyre që shfaqen në TV sikur janë ata dhe pas tyre s’ka gjë tjetër,” tha Edi Rama për shpërqëndrimin e vëmendjes i cili i shërben vetëm këtij regjimi që kriminalizoi vendin, dhe Rama ashtu si dhe Likja me përshosjet e verave kombëtare vazhdon:

“Mjafton të dëgjosh këtë që keni mbrapa, për të kuptuar deri ku shkon çmenduria. Mjafton të hapësh TV dhe larg qoftë të shohësh ndonjë debat, për të parë deri ku shkon gjuha dhe çfarë lirie për të shthurur gjuhën kanë njerëzit këtu. Por kjo nuk është liri demokratike e jetës, pasi këtë e përcakton fakti sa dëgjohesh dhe sa ndërveprim ka.”

Besëlidhje apo Besëlikje pak rëndësi ka për Shqipërinë kur të dy këto shprehje po manipulohen dhe po dalin nga goja e dy komunistëve që sot janë rrezik për ekzistencën e kombit shqiptar, Ilir Meta dhe Edi Rama!