Vjosa Osmani: Familja Jashari, shembulli më i mirë si mbrohet atdheu

Kryetarja e Parlamentit të Kosovës, Vjosa Osmani, në ceremoninë e cilau zhvillua në kazermën “Adem Jashari” në nderim të Epopesë së UÇK-së, tha se Familja Jashari është shembulli më i mirë për të treguar se si mbrohet vendi.

“22 vjet më parë në Prekaz, Familja Jashari po luftonte për të mbrojtur pragun e shtëpisë, Prekazin dhe gjithë Kosovën. Në nderim të Epopesë së UCK e kujtojmë me dhimbje dhe krenari Adem, Hamëz dhe Shaban Jasharin,” tha Osmani duke iu drejtuarë ushtarëve dhe oficerëve të FSK-së:.

“Të nderuar ushtarakë, çdo i ri që e ka ëndërr shërbimin ushtarak nuk mund të gjejë pikë më të fortë referuese për sakrificë për atdheun sesa Adem Jashari dhe familja e tij. Ai i shndërrua në shembull të sakrificës që e ndoqën shumë të rinj e të reja që u sakrifikuan për Kosovën.

Si vend e si komb asnjëherë nuk kemi pasur synime ndaj të tjerëve. Synim i yni ka qenë mbrojtja e atdheut tonë. Adem Jashari na e dha këtë shembull. Secili oficer duhet të jetë i gatshëm që ta mbrojë vendin sikur Adem Jashari”.

Emblema e shtetit që e bartin, tha Vjosa Osmani duke iu drejtuar ushtarëve të Kosovës sot është projektuar mbi sakrificën e Familjes Jashari ndërsa përfundoi:

Objektivi kryesor strategjik i Kosovës mbetet anëtarësimi në NATO!