VIDEO/Tabaku: Pa largimin e ministrit të Brendshëm procesi i integrimit nuk vazhdon

Nënkryetarja e Komisionit të Ekonomisë dhe Financave, Jorida Tabaku ka kërkuar nga mazhoranca që në këto tre javët e mbetura deri tek vendimi për hapjen e negociatave të plotësohen ato kritere që kanë mbetur, e ku kriter kryesor mbetet heqja e ministrit të Brendshëm:

“Pa hequr ministrin e Brendshëm procesi i integrimit nuk vazhdon, jo se e thotë opozita, e thonë vendet anëtare, e thonë institucionet dhe raportet e shërbimeve të tre vendeve që janë skeptike.”

Me këtë rast ajo rrëfeu edhe takimin e shumë përfolur që komisioni evropian pati me homologët e Hoalndës, ku këta të fundit kishin ngritur shqetësimin:

“Asnjë fjalë nuk ka ardhur    nga opozita, përkundrazi opozita ka lobuar për procesin e integrimit, por shërbimet policore të vendit në Amsterdam dhe Roterdam kanë ngritur shqetësimin që krimi që vjen nga Shqipëria, që droga që vjen nga Shqipëria, bëhet problem edhe për qytetarët e Holandës,” tha Tabaku.

Në pamundësi për ti bërë pyetje Guvernatorit Sejko ajo ngriti shqetësimi për nivelin e ulët që po shënon euro, dhe pastrimin e parave që bëhet nga shitja e drogës, ku theks të veçantë, siç theksojnë edhe raportet e shërbimeve të huaja dhe Departamentit të Shtetit, vazhdon të ketë ndërtimi.