Sistemi zgjedhor, KQZ rrëzon kërkesën e shoqërisë civile për Referendum

Komisioni Qendror i Zgjedhjeve rrëzon kërkesën e Referendumit për të ndryshuar sistemin zgjedhje dhe listat e hapura. Në mbledhjen e sotme, KQZ rrëzoi kërkoi e 12 nismëtarëve të referendumit, duke refuzuar të japë formularët tip për mbledhjen e firmave.

Kundër Referendumit votuan 3 anëtarë të Partisë Socialiste, Denar Biba, Edlira Jorgaqi dhe Bledar Skënderi. Në argumentin e tij për votën kundër, Biba u shpreh:

“Pyetja është specifikuar krahasuar me të parën, por referendumet nuk bëhën për të shuar kureshtjen. Kushtojnë po aq sa një palë zgjedhjet. Kërkesa e re nuk respekton ligjin.”

Për Bledar Skënderin pyetja e shtruar për Referendumin është e paqartë dhe lë vend për interpretime. Sipas tij, kjo kërkesë nuk i vendos  zgjedhësit perballë një kërkese të qartë.

Ndërkohë Rezerta Bitri, gjithashtu anëtare e Partisë Socialiste në KQZ u shpreh se nuk ka pse të refuzohen formularët tip, për të mbledhur 50 mijë firma, duke dhënë votën e saj “për”.