Regjimi i lëvizjes, Edi Rama ashpërson masat: Nga nesër…

Kryeministri Edi Rama ka vendosur të ashpërsoj regjimin e lëvizjes pasi edhe pasditja e së premtes rezultoi me një situatë kaotike dhe shkelje të regullave që ishin përcaktuar më parë. Grupimet vazhduan në shumë sheshe dhe në disa qytete thjeshtë vetëm nuk ishte ditë pune; Ndërsa masat për parandalimin e përhapjes së koronavirusit nuk u përfillën në asnjë qytet me theks të veçantë në Tiranë.

“Nga nesër orari i lëvizjes do të jetë 05.00 – 13.00 dhe vetëm gjatë kësaj kohe do të jenë të hapura edhe dyqanet ushqimore. Ky orar do të jetë edhe për punën në administratë dhe në banka,” tha Edi Rama ndërsa të pabindurve përveç gjobave nuk do t’u ofrohet asnjë shërbim shtetëror.

Gjatë së dielës, sipas kryeministrit, do të jetë gjithçka mbyllur dhe në rrugë do të jenë forcat e policisë dhe të ushtrisë.

“NGA NESËR REGJIMI I LËVIZJES NDRYSHON, SEPSE NUK KEMI ASNJË ORË E JO MË DITË PËR TË HUMBUR ME EDUKIMIN E TË PABINDURVE, TË CILËVE SHUMË SHPEJT DO TË DETYROHEMI T’UA KTHEJMË ME TË NJËJTËN MONEDHË, JO VETËM DUKE I NDËSHKUAR ME GJOBAT E SANKSIONET NË FUQI PO EDHE DUKE U NDËRPRERË ÇDO LLOJ NDIHME E SHËRBIMI SHTETËROR!”

THIRRJET PËR MIRËKUPTIMIN E TYRE PO MBAROJNË!

? NGA NESËR ORARI I LËVIZJES DO TË JETË 05.00 – 13.00! KY DO TË JETË NË VIJIM EDHE ORARI I PIKAVE TË SHITJES SË USHQIMEVE, ILAÇEVE APO SHËRBIMEVE BANKARE, SI EDHE ORARI I PUNËS SË PUNONJËSVE TË ADMINISTRATËS.

? NGA NESËR NË ORËN 13.00, GJATË GJITHË DITËS SË DIELË, DERI TË HËNËN NË ORËN 05.00, DO TË JETË GJITHÇKA E MBYLLUR, NË TË GJITHA QENDRAT URBANE TË REPUBLIKËS SË SHQIPËRISË. NË RRUGË DO TË JENË VETËM FORCAT E POLICISË, USHTRISË, NJËSIVE KRITIKE TË SHËRBIMEVE SHTETËRORE DHE ATYRE TË KOMPANIVE MEDIATIKE!

KJO ËSHTË LUFTË DHE ARMIKU NUK PO LARGOHET, POR PO AFROHET ÇDO MINUTË! PRANDAJ MBLIDHENI MENDJEN BASHKË ME MUA QË DUHET TË SHTRËNGOJMË ÇDO DITË VIDAT E ZINXHIRËVE MBROJTËS, NËSE NUK DUAM TË NA GRIJË SI HELMI MIZAT!