Video/”Qëndro në shtëpi”, Basha: Respektoni udhëzimet mbi distancimin social dhe…
Në kohën kur po shtohet numri i të prekurve me koronavirus ashtu si dhe viktimat, Kryetari i Partisë Demokratike, Lulzim Basha, ka dhënë një mesazh senzibilues në këtë kohë sakrificash që gjithsecili, sipas tij, duhet t’i bëjë për shëndetin e tij dhe të familjes.
“Ju bëj thirrje të respektoni të gjitha udhëzimet mbi distancimin social dhe higjenën! Duke ndjekur me përpikmëri këshillat e mjekëve, duke qëndruar në shtëpi, ne japim kontributin tonë për ngadalësimin e përhapjes së virusit,” thekson Lulzim Basha, dhe për ta kaluar këtë të keqe me sa më pak pasoja për jetën dhe shëndetin tonë dhe të dashurve tanë!
Mesazhi:
Të dashur bashkëqytetarë, kjo është një kohë sakrificash që gjithsecili prej nesh duhet t’i bëjë për shëndetin e tij dhe të familjes.
Ju bëj thirrje të respektoni të gjitha udhëzimet mbi distancimin social dhe higjenën!
Duke ndjekur me përpikmëri këshillat e mjekëve, duke qëndruar në shtëpi, ne japim kontributin tonë për ngadalësimin e përhapjes së virusit, dhe për ta kaluar këtë të keqe me sa më pak pasoja për jetën dhe shëndetin tonë dhe të dashurve tanë!
