PD e akuzon për qiratë, përgjigjet Edi Rama: Aktin Normativ do ta sqaroj tek Fevzo!

Pas akuzave të Partisë Demokratike për nismën e Kryeministrit Edi Rama për të ndaluar pagesën e qirasë nga qiramarrësit e bizneseve të mbyllura në këtë kohë pandemie, ka reaguar Rama duke theksuar se ende pa dalë Akti Normativ, PD është lëshuar siç di vetë kur prek majën e dëshpërimit!

“Ndërkohë që kam publikuar parimin e nismës së Aktit Normativ mbi pagesat e qirave të të dëmtuarve rëndë nga lufta që kanë humbur momentalisht aftësinë paguese dhe janë nën lloj-lloj presionesh, deri edhe të rënda nga qiradhënës të caktuar, shoh që ende pa dalë akti PD-ja është lëshuar siç di vetë kur prek majën e dëshpërimit!” tha Edi Rama në reagimin e tij përmess rrjetit social Facebook duke iu kthyer sërish vajit të kandilit të trurit!

Akti Normativ po bëhet gati, e bëri të ditur Kryeministri, e meqë sonte e kishte konfirmuar praninë në studion e OPINIONIT të Fevzos, do të bëjë një rrugë e dy punë:

“Do të kem mundësinë t’ju shpjegoj edhe qiramarrësve më hallexhinj, edhe qiradhënësve në hallin e tyre, edhe të gjithë të tjerëve me hallet përkatëse të kohës që jetojmë, se sa i drejtë është ky Akt Normativ, me ligj e me zakon, e se sa e fajshme është në mes të luftës kjo kundërvënie e verbër e një çete vulëhumburish (pa din, pa iman e pa asnjë hall tjetër veç ëndrrës së tyre në beze), ndaj njerëzve më në hall të kësaj lufte!”

Ndryshe, Partia Demokratike duke konsideruar një vendim antikushtetues, i padrejtë dhe i rrezikshëm, është shprehur se njeriu që nuk pranon të anulojë kontratat koncesionare ku palë është qeveria, por shpall anullimin e kontratave ku palë janë subjekte private, është fytyra e vërtetë e kësaj qeverie. Për të mbrojtur oligarkët, për të mbrojtur paratë e vjedhura, Edi Rama ka braktisur qytetarët dhe bizneset dhe tani po mundohet që t’i përplasë ata me njëri-tjetrin.

Ja postimi i plotë:

? Ndërkohë që kam publikuar parimin e nismës së Aktit Normativ mbi pagesat e qirave të të dëmtuarve rëndë nga lufta që kanë humbur momentalisht aftësinë paguese dhe janë nën lloj-lloj presionesh, deri edhe të rënda nga qiradhënës të caktuar, shoh që ende pa dalë akti PD-ja është lëshuar siç di vetë kur prek majën e dëshpërimit!

? Sa gjynah që janë, nuk e gjej dot pse Zoti nuk ua ushqen fare vajin e kandilit të trurit as në këtë kohë të errët, po nuk kemi ç’bëjmë!

? Akti Normativ po bëhet gati, e meqë sonte kisha konfirmuar praninë në studion e ?PINIONIT, do të kem mundësinë t’ju shpjegoj edhe qiramarrësve më hallexhinj, edhe qiradhënësve në hallin e tyre, edhe të gjithë të tjerëve me hallet përkatëse të kohës që jetojmë, se sa i drejtë është ky Akt Normativ, me ligj e me zakon, e se sa e fajshme është në mes të luftës kjo kundërvënie e verbër e një çete vulëhumburish (pa din, pa iman e pa asnjë hall tjetër veç ëndrrës së tyre në beze), ndaj njerëzve më në hall të kësaj lufte!