Sot fillon Muaji i Bekuar i Ramazanit, Thirrja e KMSH: Dhuro një Iftar!

Sot në ditën e parë të Muajit të Shenjtë të Ramazanit, në situatën ku më shumë se kurrë nevojitet solidariteti ndër-njerëzor, Kryetari i Komunitetit Mysliman të Shqipërisë H. Bujar Spahiu, i ka bërë thirrje të gjithë besimtarëve por jo vetëm, ti bashkohen nismës tashmë traditë të KMSH “Dhuro një Iftar”.

“Allahu i Madhëruar na urdhëron në Kuranin Famëlartë: “Ska dyshim se ato që japin sadaka dhë që janë të sinqertë me Allahun, atyre ju shumëfishohet dhe ata kanë shpërblim të madh” po ashtu edhe Profeti i fundit, Muhamedi a.s na porosit se “Kush ndihmon dikë për ta lehtësuar nga një vuajtje, edhe Allahu e ndihmon atë në ditën e Gjykimit.”

Me këtë nismë, thekson H.Bujar Spahiu, synohet që tu gjendemi pranë në këtë muaj të bekuar personave që kanë më së shumti nevojë për mbështetjen dhe përkrahjen tonë.

“Në kushtet kur organizimi i iftareve të përbashkëta për familjet në nevojë është i pamundur, këto iftare do të kthehen në pako ushqimore për këto familje. Këto pako nuk do ç’rrënjosin ndoshta varfërinë, por padyshim do e lehtësojnë gjendjen e asaj familje, e të lehtësosh është këshillë e fesë tonë dhe bamirësia është shtyllë e saj.”

Një ndër detyrimet kryesore që feja jonë na ngarkon për të mirën tonë, familjes dhe shoqërisë e më gjerë është zekati dhe sadakaja e fitrit, sqaron Kryetari i Komunitetit Mysliman të Shqipërisë H. Bujar Spahiu, duke shtuar se bamirësia nuk të varfëron e shpërblimi tek Zoti është i garantuar, sepse Ai, nuk e then kurrë premtimin e Vet, ndërsa përfundon:

“Më lejoni t’ju uroj edhe njëherë ta gëzoni këtë muaj të bekuar, t’ju uroj shëndet në familjet tuaja dhe agjërim të lehtë e të pranuar. Le të bëhemi bashkë që t’ia lehtësojmë vështirësitë dikujt, që Allahu i madhëruar të na i lehtësoj ato ne.”

Sot për Ditën e parë të agjërimit, E premte, 24 prill, Komuniteti Mysliman i Shqipërisë informon se Syfyri është në orën 04:00 ndërsa Iftari në orën 19:36.

Të nderuar besimtarë!

Sot është fillimi i muajit të shenjtë të Ramazanit, i kësaj feste të madhe për të gjithë myslimanët dhe myslimanet dhe falënderimi i takon Allahut xh.sh që na e bëri të mundur ta arrinim këtë muaj të bekuar!

Muaji i shenjtë i Ramazanit është muaji i mirësisë, zbritjes së Kur’anit Famëlartë, muaji i pastërtisë shpirtërore, tolerancës, faljes, durimit, mëshirës dhe solidaritetit.

Allahu i Madhëruar na urdhëron në Kuranin Famëlartë: “Ska dyshim se ato që japin sadaka dhë që janë të sinqertë me Allahun, atyre ju shumëfishohet dhe ata kanë shpërblim të madh” po ashtu edhe Profeti i fundit, Muhamedi a.s na porosit se “Kush ndihmon dikë për ta lehtësuar nga një vuajtje, edhe Allahu e ndihmon atë në ditën e Gjykimit”

Në situatën ku më shumë se kurrë nevojitet solidariteti ndër-njerëzor, gjej mundësinë t’ju bëj thirrje të gjithë besimtarëve por jo vetëm, ti bashkohen nismës tashmë traditë të KMSH “Dhuro një Iftar”.

Me këtë nismë synohet që tu gjendemi pranë në këtë muaj të bekuar personave që kanë më së shumti nevojë për mbështetjen dhe përkrahjen tonë. Në kushtet kur organizimi i iftareve të përbashkëta për familjet në nevojë është i pamundur, këto iftare do të kthehen në pako ushqimore për këto familje. Këto pako nuk do ç’rrënjosin ndoshta varfërinë, por padyshim do e lehtësojnë gjendjen e asaj familje, e të lehtësosh është këshillë e fesë tonë dhe bamirësia është shtyllë e saj.

Te nderuar besimtarë!

Një ndër detyrimet kryesore që feja jonë na ngarkon për të mirën tonë, familjes dhe shoqërisë e më gjerë është zekati dhe sadakaja e fitrit. Muaji i Ramazanit është muaji i shpërblimeve të shumëfishta, muaji ku veprat tona të zakonshme Zoti me mëshirën e tije u jep vlerë të jashtëzakonshme.

Prandaj të gjithë ata që kanë mundësi të kontribuojnë dhe përmbushin detyrimet e tyre fetare, le ta shfrytëzojnë ketë mundësi dhe ketë kohë të bekuar. Bamirësia nuk të varfëron e shpërblimi tek Zoti është i garantuar, sepse Ai, nuk e then kurrë premtimin e Vet.

Më lejoni t’ju uroj edhe njëherë ta gëzoni këtë muaj të bekuar, t’ju uroj shëndet në familjet tuaja dhe agjërim të lehtë e të pranuar. Le të bëhemi bashkë që t’ia lehtësojmë vështirësitë dikujt, që Allahu i madhëruar të na i lehtësoj ato ne.

Ashtu siç na këshillon feja jonë, uroj që paqja dhe bekimi të jetë mbi familjet tuaja e mbi tërë njerëzimin!