Shkencëtarët në Oxford: Vaksina kundër koronavirusit, gati në shtator
Universiteti i Oxfordit thekson se është bërë një përparim i dukshëm në garën për shpikjen e vaksinës kundër virusit dhe ajo do të jetë gati në muajin shtator.
Shumë ekipe shkencëtarësh u nisën me testimin e mostrave të vogla në mënyrë që të ruajnë sigurinë e njerëzve, por shkencëtarët e Institutit Jenner kishin një përparësi në garë sepse gjatë viteve të kaluara kanë punuar studime të ngjashme, përkatësisht kanë testuar vaksina për formën e mëparshme të koronavirusit.
Brenda muajit testimi i 6.000 njerëzve
Pikërisht për këtë arsye, në garën për vaksinë kundër COVID-19 ata janë ndër të parët, shkruan New York Times, e testimi i vaksinës do të bëhet në më shumë se 6.000 njerëz deri në fund të muajit maj, me shpresën se më pas vaksina do të jetë e sigurt për njerëzit, dhe se do të veproj kundër koronavirusit të ri.
Shkencëtarët nga Oxfordi theksojnë se vaksina e tyre, nëse gjithçka shkon si është më së miri, do të jetë e gatshme për përdorim në muajin shtator.
New York Times shkruan s e lajmet e këtij ekipi të ekspertëve janë shumë inkurajuese .
Testuan vaksinën në 6 majmunë
Gjashtë majmunë morën vaksinën e Oxfordit, dhe më pas shkencëtarët i nënshtruan në doza të mëdha të koronavirusit. Prej koronavirusit u sëmurën të gjithë majmunët në laborator me përjashtim të atyre gjashtëve që kishin marrë vaksinën. Ata ngelën shëndosh e mirë edhe 28 ditë pasi që kishin marrë dozën.
“Ky lloj majmuni (v.j. Rhesus macaque) është më i ngjashmi me njeriun,” tha studiuesi Vincent Munster, i cili realizoi testimin në majmunë.
Munster tha se javën e ardhshme do të diskutohen rezultatet e kësaj analize, dhe më pas do të publikohet një artikull shkencor në njërën prej revistave shkencore.
Por imuniteti i majmunëve…
Imuniteti tek majmunët nuk është garanci se vaksina do të ofroj nivel të njëjtë të mbrojtjes edhe tek njerëzit.
Kompania kineze e cila pak kohë më parë testoi tek 144 pjesëmarrës, SinoVac, gjithashtu theksoi se vaksina ishte efikase në këtë lloj majmuni.
“Ky është një program klinik shumë, shumë i shpejtë,” tha Shefi për zbulimin e vaksinës pranë Fondacionit Bill dhe Melinda Gates, Emilio Emini, e cila ka financuar disa kompani që po merren me zbulimin e zgjidhjes për koronavirusin e ri.
Cila vaksinë potenciale do të tregohet më efikase, është e pamundur të dihet deri sa të dhënat e testimit të mos bëhen publike.
Gjithsesi, duhet më shumë se një vaksinë!
Emiliano Emini sqaron se gjithsesi do të duhet më shumë se një lloj i vaksinës. Disa vaksina janë më efikase nga të tjerat, në veçanti në grupimet siç janë fëmijët ose të moshuarit. Ose dallojnë në çmim dhe dozë. Tek prodhimi i virusit natyrisht që është më mirë të kemi më shumë opsione të vaksinës se sa vetëm një.
Ndryshe, studimi i shkencëtarëve pranë Universitetit në Oxford, sikur edhe të rezulton pa sukses, do të jap një leksion të rëndësishëm mbi natyrën dhe sjelljen e koronavirusit dhe si ndikon ai ndaj imunitetit.
