Shuhet Little Richard

Shuhet në moshën 87-vjecare, ylli i muzikës rok n’roll, Little Richard. Lajmin e ka bërë të ditur për Revistën “Rolling Stone” i biri, Danny Penniman por ende nuk dihen arsyet e vdekjes së këngëtarit.

Në mesin e këngëve të tij më të famshme ishte Good Golly Miss Molly.

Këngëtari, që ka lindur në Georgia, si Richard Wayne Penniman, ishte një prej pjesëtarëve të parë të zhanrit rok n’roll.

Ylli muzikor, raporton RFE, është njohur për performancat e tij të veçanta, zërin e fuqishëm dhe veshjet e pazakonshme.

Richard Wayne Penniman ishte një prej 12 fëmijëve të familjes, i cili ka nisur të këndojë sepse ka dëshiruar të dallohet nga motrat dhe vëllezërit.

“Kam bërë çfarë kam bërë, kam kërkuar vëmendje. Kur kam nisur të luaj në pian dhe të bërtas e këndoj, kam pasur vëmendje,” kishte deklaruar kohë më parë për BBC-në.