S’ka Aleancë me partinë e Presidentit, Rama: Nuk kanë rëndësi propozimet e opozitës për Reformën Zgjedhore!

Pavarësisht zellin që shfaqin për vendimarrje Damian Gjiknuri dhe Oerd Bylykbashi, lidhur me përfundimin dhe finalizimin e Reformës Zgjedhore sot Kryeministri Edi Rama e tha qartë se nuk kanë rëndësi propozimet e opozitës aq sa kanë rekomandimet e OSBE/ODIHR. Nuk dihet pse, por sot Kryeministri Edi Rama ndonëse ishte dalë në bashkëbisedim me gazetarët ai vendosi pikën mbi “I” edhe për qeverinë tranzitore që është pse e kësaj tryeze. Edi Rama ishte i perë kur tha se nuk do të ketë qeveri tranzitore edhe nëse e kërkon opozita ndërsa ka përjashtuar edhe mundësinë që Partia Socialiste të shkojë në koalicion me LSI në zgjedhjet e 2021 sepse thjeshtë Partia e Presidentit është degraduar.

Për mazhorancën, tha Edi Rama, 2 pika janë të panegoicueshme në Reformën Zgjedhore, depolitizimi i administratës zgjedhore dhe një Kolegj Zgjedhor pa gjyqtarë të cilët nuk e kanë kaluar vettingun.

”Zgjedhjet e lira dhe të ndershme nuk janë sakrificë por ka pasur prej disa raundesh. Kanë qenë në përmirësim por duhen përmirësuar. Nuk bëhet fjalë për të pranuar propozimet e opozitës por për të pranuar rekomandimet e OSBE.

Puna po shkon në atë drejtim që 2 pika janë të panegocueshme, e para depolitizimi i plotë i administratës zgjedhore, një histori e vjetër dhe burim problematikashtë lidhura me politizimin e administratës zgjedhore. ODIHR në raportet e veta ka rekomanduar depolitizimin. Ne jemi ta çojmë deri në fund që kjo administratë t’i përkasë qytetarëve dhe ligjit.

Dhe e dyta përfshirja e Kolegjit Zgjedhor e atyre gjyqtarëve që nuk kanë kaluar vettingun.

E përsëris që gjykatës që nuk kanë kaluar vettingun, nuk do pranohen në Kolegj Zgjedhor. Pra këto janë 2 pikat e panegociueshme. Pjesa tjetër është pjesë e rekomandimeve dhe presim që ODIHR të kontribuojë drejt një procesi transparent.”

Pjesë e debatit për Reromën Zgjedhore vazhdon të jetë qeveria tranzitore dhe modelet që aplikohen në disa shtete, por pavarësisht kësaj Kryeministri u shpreh sot se opozita e kërkoi qeverinë tranzitore në formë vulgare, duke përgatitur zjarrvënien, por u dogj vetë.

“Shteti nuk bëhet duke sakrifikuar parimet themelore dhe duke grisur kontratën me qytetarët që votojnë. Opozita mund të kërkojë qeveri tranzitore, është në të drejtën e saj. E kërkoi në forma krejt vulgare, duke përgatitur një zjarrvënie të përgjithshme, u dogj vetë, nëse duan të vazhdojnë ta kërkojnë, janë në të drejtën e tyre, por kjo nuk ka për të ndodhur.”

Dhe në morinë e kundërshtive të shpalosura sot ishte edhe Aleanca me LSI për zgjedhjet e vitit 2021. Kurrë mos thuaj kurrë, e kishte të qartë Edi Rama se nuk duhet thënë në politikë, por për partinë, siç tha ai, të Presidentit, meqë është degraduar, nuk përbën perspektivë për një Aleancë me Partinë Socialiste.

”Në politikë kurrë mos thuaj kurrë. Por nuk shoh një koalicion me partisë e Presidentit sepse konteksti i sotëm, degradimi i vazhdueshëm i assaj force politike dhe detyrimet tona programore ashtu si dhe bindja jonë që është e mjaftueshme të flasë puna dhe falë punës një aleancë me popullin na e bëjnë krejtësisht pa interes këtë perspektivë. E përjashtoj. ”

Opozita ishte pjesë e miratimit të Reformës në Drejtësi dhe tani që e ka nxjerrë jashtë parlamentit nuk do t’ia din që ekziston ajo. Sot Kryeministri Edi Rama tha se nuk ka vend për rishikim në këto momente por vetëm të zbatohet dhe do të jenë bashkëautorët ata që do të japin këshilla nëse rishikimi është i domosdoshëm në një moment të dytë.

“Ne jetojmë në një kohë të lirë tabu nuk është asgjë. PS dhe grupi i saj parlamentar janë pasqyrë e këtij grupi të lirë ku jetojmë. Shqipëria është vendi ku shpifet më lirisht se në të gjitha vendet e botës, një liri shpifje si në Shqipëri nuk e gëzon askush. Liria për të folur është e plotë, edhe në grupin e PS nuk ka tabu të gjitha diskutohen. Dua t’ju kujtoj që për reformën në drejtësi nuk e kam dëgjuar nga bashkëautorët se ka vend për të korigjuar reformën në drejtësi. Perfeksioni nuk ekziston, jeta është një kërkim i vazhdueshëm drejt perfeksionit. Në këtë realitet duhet zbatuar reforma. Sot për sot nuk ka vend për ta riparë reformën në drejtësi është koha për ta zbatuar.”