Çmenduria Anticovid/ ISHSH kërkon të mbyllë sinjalin e RTV Ora, Shima apel ndërkombëtarëve…
Inspektoriati Shtetëror Shëndetësor dhe AMA urdhërojnë mbylljen e aktivitetit të Radio Televizionit Ora. Ky Vendim të paprecedentëi, bëjnë të ditur drejtuesit e këtij televizioni, është marrë me pretendimin e shkeljes së rregullave Anti-Covid në transmetimet televizive ku pas dy gjobave të njëpasnjëshme, urdhërohet ndërprerja e aktivitetit dhe mbyllja e sinjalit të televizionit, pa bërë asnjë inspektim apo verifikim në terren.
“Të thuash të vërtetën në Shqipëri është e vështirë sidomos në këto kohë. Një rast i paprecedentë po ndodh. Inspektoriati Shtetëror Shëndetësor kërkon mbylljen e sinjalit të transmetimit të RTV Ora.
Një ditë pas gjobitjes në mënyrë të paprecedentë me 20 milionë lekë me argumentin e pranisë së jo më shumë se dy personave në të njëjtën studio televizive, ISHSH ndërmerr edhe një hap tjetër të rëndë duke kërkuar mbylljen e sinjalit të RTV Ora,” theksojnë drejtuesit e këtij televizioni të kërcënuar nga regjimi i Edi Ramës duke shtuar se për herë të parë pas 30 vitesh demokraci kërkohet të mbyllet sinjali i një televizioni pasi u vendosën në mënyrë arbitrare dy gjoba ndaj emisioneve në Televizionin Ora.
“Vijnë dy gjoba ISHSH nga 20 milion dhe një kërkesë për mbyllje aktiviteti. Nuk e di se me çfarë vullneti një kryeministri në këto merr vendimin për mbylljen e një televizioni. Kjo është demokracia që duam të bëjmë ne? Në shumë vend evropiane janë bërë emisione me shumë se 3 veta. Kur në një kohë që të ftuarit në studio kanë qenë më mbi 2 metra larg.
Duan të mbyllin televiziionin sepse janë lejuar njerëzit të flasin në studio. Kjo është e qëllimshme. Është bërë inspektimi vetëm me foto, nuk kanë ardhur në televizion inspektorë. Nuk mund ti mbyllësh gojën se do të flasë. Nuk po mbyll biznesin por po mbyll fjalën e lirë. Kemi qenë të ndershëm përballë shikuesve dhe beteja do të vazhdojë,” thekson Drejtori i Informacionit të RTV Ora, Brahim Shima, duke i bërë thirrje organizmave ndërkomëbtarë të reagojnë sa nuk është vonë.
“Të mos harrojmë se me ndryshimet e kodit penal u kërkua që të mos ekzagjerohet me vendime sepse në rast të ndryshimeve dhe emergjencave kalojmë shumë shpejt në një formë të re diktature. Ky është momenti më i mirë për ti thënë ndal vepriomeve të tilla që dëmtojnë atë që do të thotë fjalën e lirë. Nesër ky vendim mund të jetë edhe për të ndaluar të flasësh në rrugë, për të ndaluar Facebook,” thekson Drejtori i Informacionit të RTV Ora, Brahim Shima, duke përfunduar:
“Një televizion nuk sjell vetëm fjalën, por pamjen dhe debatin!”
Pas këti vendimi arbitrar kanë reaguar Qendra Europiane për Liri të Shtypit dhe të Medias, ECPMF, Reporterët pa kufij, dhe Unioni i gazetarëve, ndërkohë lideri i opozitës, Lulzim Basha, ka reaguar ashpër duke theksuar se Ramavirusi infektoi dhjetëra vajza dhe nëna me COVID-19 sepse refuzon të mbyllë fasoneritë e të paguajë pagat e mbijetesës. Por kur vjen puna për të mbytur zërat kritikë, ai gjobit dhe mbyll median.
“Ramavirusi është e keqja më e madhe e Shqipërisë” shprehet Basha.
