Vendimi i parë/ Pas shembjes së Teatrit, Basha: Protesta mbarëpopullore!

Kryetari i Partisë Demokratike, Lulzim Basha, pas takimit me Aleatët ku u diskutua situata e krijuar pas shembjes së Teatrit Kombëtar, tha se vendimi i parë i Opozitës së Bashkuar është të mbështesë protestat e Aleancës për Mbrojtjen e Teatrit dhe të nisë organizimin e protestave mbarëpopullore.

“Edi Rama ka marrë peng shtetin e shqiptarëve, institucionet e shqiptarëve, bukën e gojës së shqiptarëve, kulturën dhe shpirtin e shqiptarëve. Prej 7 vitesh PD dhe opozita kanë bërë betejë me këtë të keqe. kemi ekspozuar ditë pas dite korrupsionin, lidhjet me krimin, shkatërrimin e rendit kushtetues. E sotmja ështën jë tjetër aferë e radhës. Është gur i rëndesës në shpirtin e çdo shqiptari që merakoset për të ardhmen e fëmijëve të vet që vuan sot pamundësinë ekonomike të shkaktuar prej hajdutërisë së Edi Ramës,” tha Lulzim Basha duke garantuar se opozita do të marrë të gjithë hapat demokratik për largimin e kësaj të keqe që është Edi Rama ndërsa bëri të ditur edhe vendimi e parë të Opozitës së Bashkuara pas shembjes së Teatrit Kombëtar.

“Si sot tre vjet më parë u ula me këtë njeri me shpresën për një marrëveshje në të mirë të kombit dhe për të garantuar një proces të lirë zgjedhor. Koha tregoi që u gabova. Garantoj që ky gabim nuk do përsëritet më kurrë. Opozita do të marrë të gjithë hapat demokratikë për largimin e kësaj të keqe që është Edi Rama. Vendimi ynë i parë mbështetja e të gjitha protestave të Aleancës për mbrotjen e teatrit, shoqërisë civile dhe nisja e organizimit nga opozita të protestave qytetare dhe mbarë popullore. Duke nisur me efekt të menjëhershëm sepse aty ku sot u dhunuan teatri u përgatit flijimi i lirive të të drejtave të qytetarëve.”

Me këtë rast lideri i opozitës ka siguruar se ai i qëndron Marrëveshjes për Teatrin dhe kur të vijë në qeveri do e restaurojë siç ishte ndërsa për aktin e sotëm do të ndëshkohën të gjithë autorët, nga Edi Rama tek më i keqpëdoruri.

”Me shkrim jo vetëm para Aleancës, por gjithë qytetarëtve angazhimin tonë që nesër në qeveri duke vënë interesat e bashkimit kombëtar dhe mirëqënies së njerëzve jo vetëm sipas angazhimit do restaurojmë Teatrin Kombëtar por do sigurojmë ndëshkimin e autorëve të kësaj ngjarje nga Rama tek i keqpërdoruri.

Objektivi ynë dhe stacioni ynë final është që këtë zemërim që e ndjejnë sot në shpirtrat tanë kur kemi parë njerëzit që kanë mbrojtur me vetmohim pasurinë kombëtare. Të trajtoheshin kështu nga krimineli dhe hajduti Edi Rama. Se rruga për të shporrur këtë bandit, në këto 30 vjet. është kohë e vështirë shumë.”

Në fund, Kryetari i Partisë Demokratike, Lulzim Basha, paralajmëroi:

“Do i mbështesim të gjitha protestat qytetarë por edhe ne so opozitë një rezistencë shembullore kundër këtij krimineli.

Do i bëjmë thirrje gjithë qytetarëve duke respektuar kushet hijgienike. Sot për sot është të jemi përkrah të dhunuarve, atyre që s’kanë bukë, kjo është diktaturë e çarkut të bukës. Kjo do marrë një orë e më parë fund.”