Pas monologut të Ramës në Parlament, Basha: Hajdut ordiner, tani përpiqet të fshehë vjedhjen!
Pas monologut të Kryeministrit Edi Rama në foltoren e Parlamentit të Shqipërisë ku akuzoi Aleancën për Teatrin dhe Opozitën e Bashkuara ndërsa arsyetoi shembjen e Teatrit Kombëtar, ka reaguar Kryetari i Partisë Demokratike, Lulzim Basha, duke theksuar se Rama e shembi Teatrin me dhunë, kundër ligjit dhe me qëllimin e vetëm që në truallin e tij të ndërtojë kullat duke pastruar lekët e pista në mes të Tiranës.
“Si burracak, Rama tani përpiqet t’ia hedhë fajin kujdo tjetër që të shpëtojë sadopak veten. Por ai është sot mbreti lakuriq që po e tregojnë me gisht të gjithë.”
Dhe jo vetëm, kaq! Këtë grabitje të dhunshme të pasurisë sonë kombëtare, Lulzim Basha, në reagimin e tij përmes rrjetit social Twitter e konsideron provokim:
“Për çdo qytetar që nuk e ka marrë akoma pagën e luftës, për çdo biznes që po falimenton prej dështimeve të Ramës, për çdo të papunë sot në Shqipëri dhe për çdo shqiptar të ndershëm.”
Në fund, Kryetari i Partisë Demokratike, Lulzim Basha, e cilëson Kryeministrin Edi Rama si hajdut ordiner i cili tani përpiqet të fshehë vjedhjen e tij pas ëndrrës së shumë artistëve për një Teatër të ri.
Rama e shembi Teatrin Kombëtar me dhunë, kundër ligjit dhe me qëllimin e vetëm që në truallin e tij të ndërtojë kullat duke pastruar lekët e pista në mes të Tiranës. Si hajdut ordiner ai tani përpiqet të fshehë vjedhjen e tij pas ëndrrës së shumë artistëve për një Teatër të ri.
