Koronavirusi mori 27 mijë jetë në Spanjë, nesër fillon zie kombëtare 10 ditore

Qeveria e Spanjës ka shpallur zie kombëtare 10 ditore duke filluar nga 27 Maji, për viktimat e koronavirusit, që mori mbi 27 mijë jetë njerëzish.

Kryeministri Pedro Sanchez përmes rrjetit social Twitter shpalli zien kombëtare në nderim të viktimave të COVID-19 e cila fillon nesër.

Zia kombëtare 10 ditore, tha Sanchez, është më e gjata në demokracinë spanjolle, e cila është vendosur në vitin 1977 pas diktaturës së Francos.

Për marrjen e këtij vendimi, qeveria ka pritur lehtësimin e masave në Madrid dhe Barcelonë, si dy qytetet më të goditura ka koronavirusi në Spanjë.

“Flamujt do të lëshohen në gjysmështizë në të gjitha institucionet shtetërore,” saktësoi zëdhënësja e qeverisë, Maria Jesus Montero duke shtuar se ceremoninë e madhe zyrtare do ta kryeson mbreti Felipe VI në kujtim të viktimave të epidemisë, 80 për qind prej të cilëve me moshë mbi 70 vjeç. Ende nuk dihet mbajtja e mbledhjes përkujtimore.

Ndryshe, Spanja e cila ka rreth 47 milionë banor, është njëra ndër shtetet më të goditura në Evropë me 27.117 të vdekur dhe mbi 236.000 të prekur me koronavirus.