Nis peticioni i Lëvizjes Vetëvendosje: Duam zgjedhje!

Lëvizja Vetëvendosje ka nisur peticionin për të kërkuar zgjedhje.

Pjesëmarrësit në peticionin “Duam zgjedhje” duhet të shkruajnë emrin, mbiemrin, numri personal dhe adresën.

“Të dhënat e personale të çdo qytetarit të Republikës së Kosovës që nënshkruan këtë peticion, garantojmë që do të ruhen në pajtim me LIGJIN NR. 06/L-082 PËR MBROJTJEN E TË DHËNAVE PERSONALE”, garanton Lëvizja Vetëvendosje për peticionin i cili përfundon më 30 Qershor.

NËNSHKRUAJ PETICIONIN “DUAM ZGJEDHJE”

“Kosova ka nevojë të menjëhershme për zgjedhje, që të zgjidhet kriza politike dhe të përcaktohet rruga që do të marrë vendi: drejt ndryshimit dhe çlirimit prej korrupsionit, apo drejt rikthimit të të korruptuarve. Me këtë peticion ne, qytetarët e Kosovës, duke vendosur nënshkrimin dhe numrin e letërnjoftimit, bëjmë të ditur se duam zgjedhje, e se vetëm qeveria e dalë nga zgjedhjet ka legjitimitet për të qeverisur,” thekson Lëvizja Vetëvedosje ndërsa i bënë thirrje qytetarëve të Kosovës ta nënshkruajnë peticionin.