IKMT në bregdet, Ndreu: Po shkatërroni turzimin; Lleshaj: S’marrim autorizim as nga kryebashkiaku as nga Zoti!

Prej orëve të para të mëngjesit, Inspektorati Kombëtar i Mbrojtjes së Territorit, IKMT ka nisur një aksion për prishjen e ndërtimeve pa leje, në vijën bregdetare në Velipojë, Shkodër dhe në Karaburun, në Vlorë, dhe nga ana tjetër, kjo Qeveri për të treguar se vazhdon të mos dijë të qeverisë, mbanë Task Forcën për Turizmin, ku të pranishëm ishin ministri i Turizmit Blendi Klosi, ministri i Brendshëm Sandër Lleshaj dhe kryetarët e bashkive që nuk e kishin idenë për këtë aksion të IKMT-së i cili, siç u shprehën ata, duke pasur parasysh për ndërtime pa leje prej 30 vjetësh, sot nuk bënë asgjë tjetër vetëm se po e shkatërron turizmin.

Po ministri i Brendshëm, Ish-Gjeneral Sandër Lleshaj ka përgjigje për të gjitha ndërsa gjuha që përdor nuk është përdor as në mesjetë. Duke i folur njëri prej eksponentëve kryesor të Partisë Socialiste dhe Kryetarit të Bashkisë Lezhë, Pjerin Ndreu, i cili tha se nuk mund vijë IKMT e të bëjë rrëmujë e bashkia të mos ketë dijeni, dhe ju po shkatërron turizmin duke shkatërruar objekte që janë 30 vjet pa leje, Ish-Gjeneral Lleshaj tha se IKMT e policia veprojnë drejtpërdrejtë dhe nuk marrin autorizim as nga ministri as nga kryetari i bashkisë, as nga Zoti vetë ndërsa e arsyetoi këtë veprim:

“IKMT ka ndërhyrë për cilësinë më të mirë të turizmit. Ndërhyrja është që të kemi një bregdet jo afrikan, por europian,” tha Ish-Gjeneral Sandër Lleshaj duke shprehur racizëm zyrtar dhe jo vetm provincial pa e pasur idenë se standardet e ca plazheve afrikane, ai dhe rilindja e tij nuk mund ti arrijnë dot jo për 7 vjet por sikur edhe 700 vjet të sundojnë bregdetin shqiptar.

Ndonëse Task Forca për Turizmin, ku të pranishëm ishin ministri i Turizmit Blendi Klosi, ministri i Brendshëm Sandër Lleshaj dhe kryetarë bashkish e prefektë kishte për qëllim mbarëvajtjen e turizmit, aksioni i IKMT që në masë të madhe, jo vetëm këtë vit po shkatërron turizmin, mbizotëroi debatin e zhvilluar.

Kryetari i Bashkisë Lezhë, Pjerin Ndreu pati vërjetje për rrëmujën që po shkakton IKMT-je në prag të turizmit ndërsa kryetarja e Bashkisë Shkodër, Voltana Ademi, i bëri të qartë Ish-Gjeneral Lleshajt se edhe prihja është selektive.

“Në plazhet tona ka situatë anormale. Në 12 bashki të vijës sonë bregdetare ka çmime të ndryshme. Dymbëdhjetë kryetarë bashkie kanë çmime të ndryshme. Duhet të kemi unifikim. Nga veriu në jug nuk kemi unifikim. Pse është shtyrë data 15 nëntor për fund sezoni? Ju garantoj se nuk ju kërkon kush që të shkojë në plazh në këtë kohë. Pagesa juaj është me sezon,” tha Ministri Klosi siur po fletë te Blendi Fevziu dhe jo përballë kryebashkiakëve që IKMT po u shkatërron turzimin ndërsa ai shprehet se duhet të kemi prioritet që në 12 muaj që vijnë për pushime këtu, se ka më shumë hapësirë për më shumë biznes për operatorët turistikë.

Pjerin Ndreu, ndonëse më komunist se vetë Enver Hoxha, sot me petkun e kryebashkiakut nga i cili partia kërkon shumë por edhe bizneset private që në vijën bregdetare përveç COVID-19 tashmë po ballafaqohen me rrëmujën që po shkakton IKMT-ja, ishte shumë i ashpër me këtë aksion absurd”

“Barra për të përgatitur këtë sezon turistik bie mbi bashkitë, mbi ne. Nuk mund të ndodhë që të vijë IKMT e të bëjë rrëmujë e bashkia të mos ketë dijeni, kjo është e parregullt. IKMT duhet të vijë dhe të na informojë. Nëse vjen ti, ti më shkatërron turizmin. Nëse bëhet kjo, unë si bashki refuzoj të marr pjesë në të tilla aksione.

Ne nuk jemi ushtar rreshti. Nëse ju mendoni se jemi polici rreshti, harrojeni. Kemi punën tonë. Është bërë izolimi i kompetencave të pushtetit lokal. Duhet të biem dakord me pushtetin lokal. Ka 30 vjet objekti pa leje dhe tani në kohën e turizmit e shkatërrojmë. Bashkia është institucion serioz e ju duhet ta konsideroni atë,” tha Ndreu por i gatshëm flakë për flaki ishte ministri me mungesën më të madhe të komunikimit në historinë e shtetit shqiptar:

“IKMT është një institucion serioz, që mban përgjegjësinë në një vend të pushtuar nga paligjshmëria. IKMT është përballur me paligjshmërinë dhe krimin në vend e këtë detyrë do të vazhdojë ta ruajë. IKMT ka marrëdhënie të drejtpërdrejta me shkelësin e ligjit dhe nuk ka raport me kryebashkiakun. IKMT do ta vazhdojë këtë punë në funksion të ligjit, me vendosmëri. IKMT e policia veprojnë drejtpërdrejtë dhe nuk marrin autorizim as nga ministri as nga kryetari i bashkisë, as nga Zoti vetë, por vetëm i përmbahen ligjit.

IKMT ka ndërhyrë për cilësinë më të mirë të turizmit. Ndërhyrja është që të kemi një bregdet jo afrikan, por europian. Nuk duhen ndërtime pa leje, nuk ka cuba që pushtojnë plazhin,. por ka rregull e ka standarde europiane,” tha ministri i Brendshëm, Ish-Gjeneral Sandër Lleshaj duk ei dhënë leksione turzimi Pjerin Ndreut se me shkatërrime të ndërtimeve pa leje në pikun e sezonit po krijon standarde europiane.

Ndërsa Kryetarja e Bashkisë Shkodër, Voltana Ademi, foli edhe për anomali tjetër të aksionit të IKMT dhe Policisë. Qytetarët të cilëve u prishen objektet nuk njoftohen përpara, dhe shembjet po bëhen në mënyrë selektive tha ajo duke sjellë të dhëna nga terreni:

“IKMT ka ardhur sot në Shkodër, dhe duhet të them se duhet që të njoftoheshin përpara. Unë kërkoj që të gjithë qytetarët duhet të veprohet njëlloj. Kam komunikime nga Shkodra, se për dikë veprohet dhe për dikë tjetër jo. Duhet vendim-marrja për të gjithmonë njësoj, për të mos shkaktuar qoftë konflikte në territor apo situata që janë të pa-menaxhuara. Aq më tepër që tani jemi në fillim të sezonit veror.

Më 15 nëntor është e pamundur të bëhet plazh në Shkodër. Më 15 nëntor, sa parashikohet në ligj, nuk mund të bëhet plazh, se jemi me pallto. ne duhet të mendojmë për lehtësi dhe jo për ngarkime të mëtejshme.”

Nuk dihet arsyeja por Ish-Gjeneral Lleshaj, gjuhën që përdori ndaj Pjerin Ndreut nuk e përdori ndaj Voltana Ademit ndonëse foli pa lidhje. Garantoi që nuk do të ketë pridhje selektive, në rast se ndodhë tha ai, do të mbajnë përgjegjësi”

“Vlerësoj disa konstatime të zonjës Voltana Ademi. Prishjet janë një çështje, që kurrë nuk dëgjohet me kënaqësi. IKMT e ka përgjegjësi ligjore ta bëjë këtë, bashkë me bashkitë në koordinim. Besoj lajmërimet janë bërë, sepse ligji e parashikon këtë gjë. Edhe pse ata që kanë bërë ndërtime pa leje nuk kanë thënë, por besoj se IKMT e ka bërë njoftimin. Në rast se ndodh diferencimi, kushdo që bën të tilla gjëra do të mbajë përgjegjësi përpara ligjit.

Kush ka ndërtime pa leje, nuk duhet t’i ketë ato. Autoritetet shtetërore kanë marrë përgjegjësi shumë herë më të mëdha kur interesi publik ka kërkuar për të ndërhyrë për ndërtimet pa leje. Interesi publik prevalon dhe kjo punë nuk negociohet. Keni të drejtë të kërkoni një veprim të panegociueshëm dhe pa asnjë përzgjedhje. Nëse ka diferencim, ai që e bën këtë punë, duhet të bëhet gati mirë,” tha ministri i Brendshëm, Sandër Lleshaj duke përfunduar:

“Nëse ka ndërhyrje në plazhin X, do bëhet nga fillimi në fund. Ju ftoj të gjithëve në rast se keni të dhëna të tilla, t’i paraqisni në të gjitha kanalet e mundshme.”

Ndryshe, Ministria e Brendshme ka bërë të ditur se mëngjesin e sotëm në aksion janë angazhuar dhjetëra forca të IKMT dhe Policisë, të mbështetura nga mjete për shembjen e godinave në plazhe. Krahas prishjes së ndërtimeve pa leje në këto zona, do të ketë procedim dhe ndëshkim me gjobë për subjektet në shkelje.

Paralelisht, IKMT dhe Policia e Shtetit vijon punën për evidentimin dhe parandalimin e ndotjes mjedisore në lumenjtë e vijat ujore si dhe ndëshkimin e çdo kundërvajtësi, për prerjen e pyjeve apo dëmtime të tjera mjedisore, dhe njëkohësisht fton çdo qytetar e media të denoncojë shkeljet në numrin 112 ose përmes Komisariatit Dixhital.