Video/ Gënjeshtari kronik, Tabaku: Synimi, t’u marrë paratë shqiptarëve, t’ua japë oligarkëve!

Ish-Deputetja e Partisë Demokratike, Jorida Tabaku, duke e cilësuar Kryeministrin Edi Rama si gënjeshtar kronik, rendit premtimet që ai dha ndërsa vlerëson se synimi i vetëm i tij është që t’u marrë paratë shqiptarëve dhe t’ua japë ato oligarkëve.

“I premtoi shqiptarëve heqjen e taksës 20% për ushqimet bazë dhe për 7 vite me radhë për çdo vit vetëm rriti taksa, tarifa dhe çmimet e produkteve të shportës. Në fund, si çdo autokrat i babëzitur për pushtetin që i japin oligarkët hoqi TVSH-në 20% për importin e jahteve,” rendit premtimet e Kryeministrit, Jorida Tabaku, dhe përmes video-mesazhi në rrjetin social Facebook, përveç dëshmive, konstaton:

Gënjeshtari kronik ka vetëm një synim: t’u marrë shqiptarëve paratë dhe tua japë ato oligarkëve. Kryeministri i oligarkëve nuk mund të jetë kryeministri i shqiptarëve.