Vrau gruan, dëshmia shokuese/ i thashë të hapte dritaren, ajo…

Një ditë më parë qyteti i Durrësit u trondit nga një ngjarje e rëndë, kur Çlirim Shaholli, 42 vjeç, u raportua se vrau gruan e tij, duke e goditur me sende të forta.

Policia arrestoi autorin e dyshuar të krimit, i cili gjatë marrjes në pyetje ka thënë se e ka shtyrë gruan, por ajo është rrëzuar dhe ka përplasur kokën në çimento. Sipas dëshmisë, shkak i sherrit ka qenë hapja e dritares.

“Nuk doja ta vrisja gruan time. Të mjerët ne çfarë na gjeti na ndodhi hataja. Kam 6 kalamaj, kush do mi ushqejë tani.

Kishin një sherr se kishin vapë dhe unë i thashë ngriu hap dritaren. Ajo më shtyu dhe unë e shtyva. Gruaja ra në çimenton e shtëpisë dhe përplasi kokën. Unë e pashë që ishte ne gjendje të rëndë dhe e dërgova në spital”, mësohet të ketë thënë në gjendje të rënduar psikologjike burri.

Ndërkohë, Tahir Muço, daja i viktimës tregon për mediat se agresori ishte xheloz dhe se e dhunonte vazhdimisht mbesën e tij.

Familja banonte në lagjen në lagjen Nr.15, ku edhe është dhunuar gruaja, e cila ndërroi jetë më pas në spital. Raportohet se çifti, që kishte 6 fëmijë, ishte në vështirësi ekonomike.

Fqinjët thanë për mediat se 42-vjeçari ishte i papunë, ndërsa Ardiana ishte e vetmja që punonte për të mbajtur familjen.