Thaçi nuk ngopet, urdhëron Isën dhe shkarkon Vjosa Osmanin nga strukturat e LDK
Në kohë pandemie, kur Kosova ishte e rrezikuar nga koronavirusi dhe shifrat po dilnin jashtë kontrollit, Hashim Thaçi urdhëroi Isa Mustafën dhe inicoi mocionin për shkarkimin e Albin Kurtit. Ndonëse lojën e Thaçit nuk e mbështeti Nënkryetarja e LDK dhe Kryetarja e Parlamentit, Vjosa Osmani, seanca parlamentare u zhvillua përkundër kundërshtimit të Institutit të Shëndetit Publik dhe Qeveria Kurti u shkarkua!
Kryeministri Hashim Thaçit, Avdullah Hoti, plotësoi teket e Beogradit, Vuçiçi filloi të jap shenja jete drejtë Isa Mustafës por Thaçi nuk u ngop me kaq! Kërkoi largimin e Vjosa Osmanit sërish në momente kritike në luftë me koronavirusin!
Në këtë situatë, Isa Mustafa organizoi një shkarkim ndryshe, të padukshëm për elektoratin e Lidhjes Demokratike të Kosovës, online, por të kënaqshëm për shefin e tij, Hashim Thaçi!
Hashim Thaçi tha Isa Mustafa e bëri realitet! Shkarkoi gruan më të votuar në Kosovë duke e shkarkuar nga petku politik dhe duke i hequr mundësinë për të qenë pjesë e negociatave për fatin e Kosovës.
Në orët e mbrëmjes, deputeti i LDK, Haxhi Avdyli, bëri të ditur se Këshilli Drejtues i Lidhjes Demokratike të Kosovës, përmes votimit online ka shkarkuar Vjosa Osmanin nga strukturat drejtuese të partisë. ndërsa akuzoi iniciuesit e këtij votimi për manipulim.
“Vendimi i skandaloz për kinse shkarkimin përmes Email të Vjosa Osmanit nga organet drejtuese të LDK-së, i inicuar nga njerzit pa legjitimitet qytetar, paraqet vetëm një manipulim interneti e asgjë më shumë. Votimi i përmes email është një vendim mashtrues dhe frigacak si gjithmonë i disa njerzëve që s’kanë guxim qytetar të maten e thirren si pronarë të LDK-së . Këta se kanë problem edhe t’i manipulojnë rezultatet. Egziston mundësia që rezultatet i këtij sondazhi Online mund të jenë manipuluar prandaj s’ka vlerë as juridike as obligativ për askënd,” tha Haxhi Abdyli duke përfunduar:
“Ne dhe secili aktivistë i LDK-së do e konsiderojnë këtë vetëm si një sondazh pavlerë derisa ky vendim të mos mirret konform rregullave demokratike.”
Ndryshe, Isa Mustafa propozoi që Vjosa Osmani të zëvendësohet nga Kryeministri i Hashim Thaçit, Avdullah Hoti, në postin e Nënkryetarit të LDK-së.
