PD hap procesin e përzgjedhjes, PaFrikë: Voto deputetin tënd!

Partia Demokratike filloi procesin e përzgjedhjes së kandidatëve për deputetë, duke sjellë një risi në politikën shqiptare, me rolin kryesor që i jep anëtarësisë.

Deri dje ky ishte premtim i Kryetarit të PD, Lulzim Basha, por sot është një realitet i konfirmuar nga Kryesia e PD:

Anëtarët e Partisë, sipas parimit “një anëtar, një votë”, bëjnë konfirmimin e kandidaturave të mundshme për deputet!

Kandidaturat e konfirmuara nga anëtarësia do të përbëjnë jo më pak se 80 % të listës së kandidatëve të Partisë në zgjedhje, ndërkohë që jo më shumë se 20 % e listës së kandidatëve do të përzgjidhen nga Kryesia e PDSH-së, si prurje të reja nga bota akademike apo shoqëria civile; përfaqësues të të përndjekurve politikë apo pronarëve; përfaqësues të diasporës; përfaqësues të sipërmarrjes; personalitete politike me kontribut të gjatë në parti etj. thuhet në Vendimin e Kryesisë së Partisë Demokratike ndërsa saktësohet se Zyrtarizimi i Listës bëhet nga Kryesia dhe miratohet nga Këshilli Kombëtar.

PaFrikë për lexuesit e saj po sjellë një votim ndryshe, përveç se “një anëtar, një votë” që shënon një hap të madh përpara në politikën shqiptare; Një votim, me votë “pa frikë”, pra, publike, që mund ta bëni duke votuar deputetin tuaj. Psh.

Lulzim Basha, Tiranë

Ky votim do të jetë i hapur deri në ditën kur ky proces zyrtarisht do të mbyllet dhe do të pritet zyrtarizimi nga ana e Kryesisë, dhe miratimi nga Këshilli Kombëtar i Partisë Demokratike.

Në fund, po sqarojmë se ky nuk është një votim paralel, por PaFrikë po sjellë këtë votim, rezultati përfundimtar i të cilit, përveç se do të pasqyroj ndryshimin nga ai brenda kutisë, do të jetë temë e diskutimit të sociologëve, politikanëve dhe analistëve politikë në PaFrikë!